53111

མཐོང་ཆོས་ཀྱི་ཞིང་ (1)

Part of speech	མིང་ཚིག
Definition	མདོ། མངོན་པ། སངས་རྒྱས་སོགས་དགེ་སློང་གི་དགེ་འདུན་དང་གང་ཟག་གང་དག་མྱང་འདས་དང་འདྲ་བའི་འགོག་པའི་སྙོམས་འཇུག་ལས་ལངས་པ་དང། ལྷག་བསམ་མཆོག་དང་ལྡན་པ་བྱམས་པ་དང། ཉོན་མོངས་པ་མེད་པའི་ཏིང་ངེ་འཛིན་ལས་ལངས་པ་དང། མཐོང་སྤང་དང་སྒོམ་སྤང་ཀུན་སྤངས་པའི་གནས་གྱུར་གསར་པ་དང་ལྡན་པ་མཐོང་ལམ་དང་དགྲ་བཅོམ་འབྲས་བུ་ལས་ལངས་མ་ཐག་པ་སྟེ་དེ་ལྔ་ལ་ཕན་གནོད་བྱས་པའི་འབྲས་བུ་ནི། འཕྲལ་དུ་མཐོང་ཆོས་ལ་མྱོང་བར་འགྱུར་རོ། །ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། སངས་རྒྱས་ལ་སོགས་པ་དགེ་སློང་གི་དགེ་འདུན་དང་གང་ཟག་ཡིན་ཡང་འཕགས་པ་གང་དག་འགོག་པ་དང་བྱམས་པ་དང་ཉོན་མོངས་པ་མེད་པ་དང་མཐོང་བའི་ལམ་དང་དགྲ་བཅོམ་པའི་འབྲས་བུ་ལ་སྙོམས་པར་ཞུགས་པ་ལས་ལངས་པ་སྟེ་ལྔ་པོ་དེ་དག་ལ་ཕན་པ་དང་གནོད་པ་བྱས་པའི་རྣམ་པར་སྨིན་པའི་འབྲས་བུ་ནི་འཕྲལ་དུ་མཐོང་ཆོས་ཁོ་ན་ལ་མྱོང་བར་འགྱུར་ཏེ། འགོག་པ་ལས་ལངས་པ་ནི་སེམས་མཆོག་ཏུ་ཞི་བ་ཐོབ་པས་མྱ་ངན་ལས་འདས་པ་ལས་སླར་ལོག་པ་དང་འདྲ་བའི་ཕྱིར་དང་། ཉོན་མོངས་པ་མེད་པ་དང་བྱམས་པ་ལས་ལངས་པ་ནི་སེམས་ཅན་ཚད་མེད་པ་ལ་ཉོན་མོངས་པ་མེད་པ་དང་ཕན་པའི་ལྷག་པའི་བསམ་པ་དང་རྗེས་སུ་འབྲེལ་བ་དང་། ཤིན་ཏུ་གསལ་བའི་བསོད་ནམས་ཚད་མེད་པས་ཡོངས་སུ་བསྒོས་པ་དང་རྗེས་སུ་འབྲེལ་བའི་ཕྱིར་དང་། མཐོང་ལམ་དང་དགྲ་བཅོོམ་ལས་ལངས་པའི་རྒྱུད་ནི་མཐོང་སྤང་མ་ལུས་པར་སྤངས་པ་དང་སྒོམ་སྤང་མ་ལུས་པར་སྤངས་པས་གནས་གྱུར་གསར་པ་ཐོབ་པས་དྲི་མ་མེད་པ་ཡིན་པས་ཕྱིར་རོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།