53124

མཐོང་ཆོས་ལ་མྱོང་བའི་ལས་ (1)

Part of speech	མིང་ཚིག
Definition	མདོ། མངོན་པ། མཐོང་ཆོས་ལ་འབྲས་བུ་མྱོང་བ་ཅན་གྱི་ལས་ནི་ཞིང་གི་ཁྱད་པར་ལས། དགེ་སློང་ཞིག་གིས་དགེ་འདུན་ལ་ཁྱེད་ཅག་ནི་བུད་མེད་དོ་ཞེས་པས་ཚེ་དེ་ལ་བུད་མེད་དུ་གྱུར་པ་ལྟ་བུ་དང། བསམ་པའི་ཁྱད་པར་ལས་ནི་རང་ལ་དཔགས་ཏེ་སྙིང་རྗེ་དྲག་པོ་སྐྱེས་པས་མཚན་སོར་ཆུད་པ་ལྟ་བུའོ། །ཡང་ས་དེའི་འདོད་ཆགས་དང་གཏན་དུ་བྲལ་བའི་སྐྱེས་བུ་ནི་སླར་དེར་མི་སྐྱེ་བའི་ཕྱིར། ས་དེར་རྣམ་པར་སྨིན་པ་མྱོང་ངེས་ཀྱི་ལས་གང་ཡིན་པ་དེ་ཚེ་དེ་ལ་མྱོང་སྟེ། འདོད་པའི་ཕྱིར་མི་འོང་ལ་འདོད་པར་མྱོང་ངེས་ཀྱི་ལས་ཡོད་པ་ཚེ་དེ་ལ་མྱོང་བ་ལྟ་བུའོ། །ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། །
Domain	ཆོས་ལུགས།