53146

མཐོང་བ་སོགས་བཞི་ (1)

Part of speech	མིང་ཚིག
Definition	མཐོང་བ་ལ་སོགས་པ་བཞི་ཉིད་གང་ཞེ་ན། མིག་གི་རྣམ་ཤེས་ཀྱིས་ཉམས་སུ་མྱོང་བ་གང་ཡིན་པ་དེ་ནི་མཐོང་བ་ཡིན་ནོ། །རྣ་བའི་རྣམ་ཤེས་ཀྱིས་ཉམས་སུ་མྱོང་བ་གང་ཡིན་པ་དེ་ནི་ཐོས་པ་ཡིན་ནོ། །ཡིད་ཀྱི་རྣམ་ཤེས་ཀྱིས་ཉམས་སུ་མྱོང་བ་གང་ཡིན་པ་དེ་ནི་རྣམ་པར་ཤེས་པ་ཡིན་ནོ། །སྣ་དང་ལྕེ་དང་ལུས་ཀྱི་རྣམ་ཤེས་གསུམ་གྱིས་ཉམས་སུ་མྱོང་བ་གང་ཡིན་པ་དེ་ནི་རྟོགས་པ་ཡིན་ཏེ་དེ་ལྟར་ན་རིམ་པ་བཞིན་དུ་བཤད་དོ། །དེ་ལ་དྲི་རོ་རེག་བྱ་གསུམ་ནི་མ་བསྒྲིབས་ལུང་མ་བསྟན་ཡིན་པས་རྣམ་སྨིན་འབྱིན་མི་ནུས་པའི་ཕྱིར་ཤི་བ་དང་འདྲ་བར་ནུས་པ་ཆུང་བས་རྟོགས་པ་ཞེས་བྱ་སྟེ། རྟོགས་པའི་སྒྲ་ནི་ཤི་བར་ཡང་འདྲེན་པའི་ཕྱིར་རོ། །ནས། ཞེས་བྱེ་བྲག་ཏུ་སྨྲ་བ་རྣམས་འདོད་དོ། །སློབ་དཔོན་འདུན་བཟང་ན་རེ་གང་ཞིག་རང་གི་དབང་པོ་དང་ཕྲད་པ་དེ་ནི་རྟོགས་པ་ཡིན་ལ་དབང་པོ་གསུམ་པོ་འདི་དག་ཀྱང་རང་གི་ཡུལ་དང་ཕྲད་པའི་ཕྱིར་རོ། །ཞེས་ཟེར་རོ། །
Domain	ཆོས་ལུགས།

མཐོང་བ་སོགས་བཞི་ (2)

Part of speech

མིང་ཚིག

Definition

སྔོན་གྱི་སློབ་དཔོན་དག་ནི་མདོའི་དོན་ནི་དེ་ལྟར་མ་ཡིན་ཏེ། ཡུལ་ལྔ་པོ་དེ་དག་དབང་པོ་ལྔ་ལ་བརྟེན་པའི་རྣམ་པར་ཤེས་པས་མངོན་དུ་བྱས་པ་ནི་མཐོང་བའོ། །ཕ་རོལ་ལས་འོངས་པའི་སྒྲ་ལ་བརྟེན་ནས་ཡུལ་དྲུག་ཅར་ཤེས་པ་ནི་ཐོས་པའོ། །བདག་ཉིད་ཀྱིས་མི་འཁྲུལ་བའི་རིགས་པས་རྗེས་སུ་དཔག་ནས་ཡུལ་དྲུག་རྟོགས་པ་ནི་རྟོགས་པའོ། །ཡིད་ཀྱི་མངོན་སུམ་དུ་གྱུར་པ་བསྒོམས་ནས་རྟོགས་པ་སོ་སོ་རང་གིས་རིག་པར་བྱ་བ་གང་ཡིན་པ་དེ་ནི་རྣམ་པར་ཤེས་པ་ཡིན་ཏེ། མཐོང་བ་ཙམ་ལ་སོགས་པར་ཤེས་པར་བྱའི་སྡུག་མི་སྡུག་ཏུ་བདེན་པ་དང་མཚན་མར་བཟུང་བར་མི་བྱ་བ་འདི་སྟོན་པ་ཡིན་ནོ་ཞེས་འཆད་དོ། །

མཐོང་བ་སོགས་བཞི་ (3)

Part of speech

མིང་ཚིག

Definition

སྔོན་གྱི་རྣལ་འབྱོར་སྤྱོད་པ་པའི་སློབ་དཔོན་གཞན་དག་ནི་མིག་ཁོ་ནས་མངོན་སུམ་དུ་བྱས་པ་གང་ཡིན་པ་དེ་ནི་མཐོང་བའོ། །རྣ་བས་ཐོས་པ་དང་ཕ་རོལ་ལས་འོངས་པ་གང་ཡིན་པ་དེ་གཉིས་ཀ་ནི་ཐོས་པའོ། །བདག་ཉིད་ཀྱིས་བསམས་པ་གང་ཡིན་པ་རྟོགས་པའོ། །བདག་ཉིད་ཀྱིས་མཉམ་པར་མ་བཞག་པས་སོ་སོར་ཡང་དག་པར་རིག་པ་དང་འཇིག་རྟེན་པའི་མཉམ་གཞག་གིས་རྟོགས་པ་གང་ཡིན་པ་དེ་ནི་རྣམ་པར་ཤེས་པའོ་ཞེས་ཟེར་རོ། །དེ་ལྟར་ན་ལུགས་སྔ་མ་ལྟར་ན་ཡུལ་ལྔ་པོ་རེ་རེ་ལའང་མཐོང་བ་དང་ཐོས་པ་དང་རྟོགས་པ་དང་རྣམ་པར་ཤེས་པའི་ཐ་སྙད་འདོགས་ཤིང་ཆོས་ལ་ནི་མཐོང་བ་མ་གཏོགས་པའི་ཐ་སྙད་འདོགས་ལ། ལུགས་ཕྱི་མ་ལྟར་ན་ཡུལ་དྲུག་ཅར་ལ་ཡང་སོ་སོར་ཅི་རིགས་པར་མཐོང་བ་ལ་སོགས་པའི་ཐ་སྙད་བཞི་འདོགས་པའི་ཕྱིར་དྲི་ལ་སོགས་པ་གསུམ་ལ་ཐ་སྙད་འདོགས་པ་མེད་པར་ཐལ་བར་འགྱུར་བའི་ཉེས་པའང་མེད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །