53493

མདོ་བཞི་དེམས་དང་ལྔ་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། རྙིང་མ། རྣལ་འབྱོར་གྱི་རྒྱུད་ལ། རྣལ་འབྱོར་དང་། རྣལ་འབྱོར་ཆེན་པོ་དང་། རྣལ་འབྱོར་མཆོག་གི་རྒྱུད་གསུམ་དུ་ཕྱེ་བའི་ཡ་གྱལ། རྣལ་འབྱོར་མཆོག་གི་རྒྱུད་ལའང་། རྫོགས་པ་ཨ་ནུ་ཡོ་ག་དང་། རྫོགས་ཆེན་ཨ་ཏི་ཡོ་གའི་ཐེག་པ་གཉིས་སུ་བཞུགས་པ་ལས། རྫོགས་པ་ཨ་ནུ་ཡོ་གའི་རྒྱུད་སྡེ་ལྔ་སྟེ། ཀུན་འདུས་རིག་པའི་མདོ་དང་། སེམས་ལུང་ཆེན་མོའི་མདོ་དང་། ཡེ་ཤེས་རྔམ་པ་གློག་གི་འཁོར་ལོའི་མདོ་དང་། དུར་ཁྲོད་ཁུ་བྱུག་རོལ་པའི་མདོ་དང་། བཀའ་ཐམས་ཅད་ཀྱི་དེམས་སུ་སངས་རྒྱས་ཐམས་ཅད་ཀྱི་དགོངས་པ་འདུས་པའི་མདོ་བཅས་ལྔའོ། །དེ་ཡང་། བཀའ་བརྒྱད་རྣམ་བཤད་ལས། རྣལ་འབྱོར་མཆོག་གི་རྒྱུད་ལ་རྫོགས་པ་ཨ་ནུ་ཡོ་གའི་ཐེག་པ་དང་། རྫོགས་པ་ཆེན་པོ་ཨ་ཏི་ཡོ་གའི་ཐེག་པ་གཉིས། དང་པོ་ནི། རྒྱལ་མོ་པུ་རིའི་ཚལ་དུ། སྟོན་པ་ཉིད་དཔལ་ཀུན་ཏུ་བཟང་པོའམ། རྡོ་རྗེ་སེམས་དཔར་སྤྲུལ་པ་ལ་ལངྐའི་བདག་པོས་ཞུས་ནས། མདོ་བཞི་དེམས་དང་ལྔར་བཀའ་སྩལ་ཏེ། མདོ་བཞི་ནི། ཀུན་འདུས་རིག་པའི་མདོ། སེམས་ལུང་ཆེན་མོའི་མདོ། ཡེ་ཤེས་རྔམ་པ་གློག་གི་འཁོར་ལོའི་མདོ། དུར་ཁྲོད་ཁུ་བྱུག་རོལ་པའི་མདོ། ཞེས་དང་། སངས་རྒྱས་ཐམས་ཅད་ཀྱི་དགོངས་པ་འདུས་པའི་མདོ་ནི་བཀའ་ཐམས་ཅད་ཀྱི་དེམས་སུ་བཞག་པའོ། །ཞེས་དང་། བཤད་པའི་རྣམ་གྲངས་གཞན་དུ་ལུང་བཞི་དེམས་དང་ལྔ་ནི་བསྐྱེད་རྫོགས་རྫོགས་ཆེན་གསུམ་གྱི་སྤྱི་རྒྱུད་དང་། སྒྱུ་འཕྲུལ་སྡེ་བརྒྱད་ནི་ལྟ་བ་ཨ་ཏི་དང་སྤྱོད་པ་མ་ཧཱར་གཏོགས་པས་ཨ་ནུའི་རྒྱུད་དུའང་གསུངས་ཏེ། བསྐྱེད་རྫོགས་རྫོགས་ཆེན་གྱི་གནད་བསྟན་པའི་ཆ་ནས་ཇི་ལྟར་བཞག་ཀྱང་རུང་ངོ་། །ཞེས་གསུངས།
Domain	ཆོས་ལུགས།