53550

མདོ་སྡེ་པ་ (1)

Part of speech	མིང་ཚིག
Definition	ནང་པའི་གྲུབ་མཐའ་སྨྲ་བ་བཞིའི་ཡ་གྱལ་ཉན་ཐོས་མདོ་སྡེ་པ་སྟེ། ཡིད་ཀྱི་མུན་སེལ་ལས། འདི་ཉིད་གཞུང་ལུགས་ཕལ་ཆེར་ཉན་ཐོས་ལ། ཚུལ་ཐེག་པ་ཆེན་པོའི་མདོ་སྡེའི་རྗེས་སུ་འབྲངས་པས་མདོ་སྡེ་པ་ཞེས་གྲགས་སོ། །ཞེས་དང་། མདོ་སྡེ་པ། སྐད་ཅིག་སྔ་ལོགས་ན་ཡོད་པའི་རྣམ་པ་དངོས་སུ་གཏོད་པའི་སྐྱེད་བྱེད་ནི་གཟུང་བ་དང་། ཕྱི་ལོགས་སུ་དེའི་རྣམ་པ་ཅན་དུ་དངོས་སུ་སྐྱེས་པའི་ཤེས་པ་སྐྱེས་ལ་འདྲ་བ་འཛིན་པ་དངོས་པོར་བདེན་པར་འདོད་ཅིང་། ལམ་གོམས་པས་ལྷག་མ་དང་བཅས་པ་དང་། ལྷག་མ་མེད་པའི་མྱ་ངན་ལས་འདས་པ་ཐོབ་པར་འདོད་དོ། །(བྱེ་མདོ་)དེ་གཉིས་ཀའང་གཟུགས་ལ་སོགས་པ་སྡུག་བསྔལ་འདི་དག་ཕྲ་རབ་ཆ་མེད་བདེན་པའི་གཅིག་ཏུ་གནས་པ་དང་། དེ་དུ་མ་འདུས་པའི་རགས་པ་ཕྱི་རོལ་གྱི་དོན་དུ་བདེན་པར་འདོད་ཅིང་། དེ་འཇལ་བྱེད་ཀྱི་ཤེས་པའང་ཕྲ་བའི་བདག་ཉིད་གཅིག་ཏུ་གནས་པ་དང་། དེ་ལས་སྔ་ཕྱིར་སྣང་བའི་ཤེས་པ་རྒྱུན་ལྡན་དུ་འདོད་པའོ། །ཞེས་གསུངས།
Domain	ཆོས་ལུགས།