53555

མདོ་སྡེ་པའི་རྟག་ཆད་སྤང་ཚུལ་ (1)

Part of speech	མིང་ཚིག
Definition	མདོ། དབུ་མ། གང་ཟག་ལ་རྟག་ཆད་སྤང་ཚུལ་ནི། སྐྱེ་གནས་གཅིག་ནས་གཅིག་ཏུ་སྐྱེ་བ་ལེན་པས་ཆད་པ་མ་ཡིན་ལ། འཆི་འཕོ་བའི་རིམ་པ་ཡོད་པས་རྟག་པ་མ་ཡིན་ནོ། །ཡང་ལས་ཀྱི་རྣམ་པར་སྨིན་པ་མྱོང་བ་པོའི་གང་ཟག་ཡོད་པ་དང་། གཞན་གྱིས་བཏགས་པའི་གང་ཟག་གིས་སྟོང་པའི་ཕྱིར་ཆད་པ་དང་རྟག་པ་གཉིས་ཀ་མ་ཡིན་ནོ། །རྒྱུ་འབྲས་ལ་རྟག་ཆད་སྤང་ཚུལ་ནི། རྒྱུའི་མཇུག་ཐོགས་སུ་འབྲས་བུ་འབྱུང་བའི་ཕྱིར་ཆད་པ་མ་ཡིན་ལ། འབྲས་བུ་སྐྱེས་པའི་ཚེ་རྒྱུ་འགགས་པས་རྟག་པ་ཡང་མ་ཡིན་ནོ། །ལས་འབྲས་ལ་རྟག་ཆད་སྤང་ཚུལ་ནི། ལས་བྱས་མ་ཐག་འགགས་པས་རྟག་པ་ཡང་མ་ཡིན་ཞིང་། ལས་བྱས་པ་ན་སེམས་རྒྱུད་ཡོངས་སུ་འགྱུར་བའི་ཁྱད་པར་ཞེས་བྱ་བ་སྐྱེ་ལ། དེ་ལས་རྣམ་པར་སྨིན་པ་སྐྱེ་བར་འདོད་ཀྱི། བྱེ་བྲག་སྨྲ་བ་ལྟར་ཆུད་མི་ཟ་ལྡན་མིན་འདུ་བྱེད་རྫས་གྲུབ་པ་མི་འདོད་དོ། །ཞེས་ཀུན་མཁྱེན་རོང་སྟོན་གྱིས་དབུ་མ་རིགས་ཚོགས་དཀའ་གནད་ལས་གསུངས་སོ། ། ཤེས་བྱ་གཞི་ལྔའི་ནང་ནས་སྣང་བ་གཟུགས། གཙོ་བོ་སེམས། འཁོར་སེམས་བྱུང་གི་གཞི་གསུམ་དོན་དམ་པར་གྲུབ་པས་ཆད་པའི་མཐའ་ལས་གྲོལ། ལྡན་པ་མ་ཡིན་པའི་འདུ་བྱེད་དང་། འདུས་མ་བྱས་ཀྱི་གཞི་གཉིས་དང་། སྔར་བཤད་པའི་གང་ཟག་དང་ཆོས་བདེན་པར་མེད་པས་རྟག་པའི་མཐའ་ལས་གྲོལ་བ་འདོད་དོ། །ལས་འབྲས་སྦྲེལ་བྱེད་ནི། མདོ་སྡེ་པས། བག་ཆགས་ཀྱིས་བགོས་པའི་རྣམ་པར་ཤེས་པའི་རྒྱུན་རྟོག་པར་བྱེད་དེ། སྦྲེལ་བྱེད་བག་ཆགས་ཡིན་པ་ནི་སེམས་ཙམ་པ་དང་འདྲ་ལ། དེའི་བསྒོ་གཞི་མི་འདྲ་བའོ། །ཞེས་ཀུན་མཁྱེན་གོ་རམས་པས་དབུ་མ་སྤྱི་དོན་ལས་གསུངས་སོ། །
Domain	ཆོས་ལུགས།