53558
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མ་རིག་པ་ནི། རིག་པ་ཡེ་ཤེས་ཀྱི་འགལ་ཟླ་མི་མཐུན་ཕྱོགས་སུ་གྱུར་པའི་སེམས་བྱུང་རྨོངས་པ་སྟེ། རིག་པ་ཡེ་ཤེས་ལས་གཞན་ཙམ་དང་། རིག་པ་ཡེ་ཤེས་བཀག་ཙམ་མ་རིག་པ་ཡིན་ན། མདོ་ལས། མ་རིག་པའི་ཀུན་སྦྱོར་དང་། མ་རིག་པའི་འཆིང་བ་སོགས་གསུངས་པ་དང་འགལ་བའི་ཕྱིར་རོ། །གལ་ཏེ་ཤེས་རབ་ངན་པ་མ་རིག་པ་ཡིན་ནོ་སྙམ་ན་མིན་ཏེ། ཤེས་རབ་ངན་པ་ནི་ལྟ་བ་ཡིན་ལ། ལྟ་བ་ནི་མ་རིག་པ་དེ་དང་མཚུངས་ལྡན་དུ་བཤད་པས་རྣམ་ཤེས་གཅིག་གི་འཁོར་དུ་ཤེས་རབ་ཀྱི་རྫས་གཉིས་འབྱུང་བ་མི་སྲིད་པའི་ཕྱིར་རོ། །ཡང་མདོ་ལས་མ་རིག་པས་ཉེ་བར་ཉོན་མོངས་པ་ཅན་དུ་གྱུར་པའི་ཤེས་རབ་ནི་རྣམ་པར་མི་གྲོལ་ལོ་ཞེས་ཤེས་རབ་དེ་མ་རིག་པས་ཉོན་མོངས་པར་བྱ་བ་ཡིན་པའི་ཕྱིར་ན་ཡང་ཤེས་རབ་མ་རིག་པ་མ་ཡིན་ནོ་ཞེས་པ་ནི་མངོན་པ་སྨྲ་པའི་མདོ་སྡེ་པའི་ལུགས་ཡིན་ལ། ཚད་མ་སྨྲ་པའི་མདོ་སྡེ་པ་ནི་འཇིག་ཚོགས་ལ་ལྟ་བ་ཉིད་མ་རིག་པར་འདོད་དོ། །འདུ་བྱེད་ནི་ལས་བསྟན་པའི་སྐབས་སུ་འཆད་པར་འགྱུར་རོ། །རྣམ་ཤེས་དང་། གཟུགས་དང་། སྐྱེ་མཆེད་དྲུག་ནི། ཁམས་བསྟན་པར་བཤད་ཟིན་ནས། མིང་ནི་མིང་གཞིའི་ཕུང་པོའོ། །རེག་པ་ནི་གསུམ་འདུས་ནས་ཡུལ་གྱི་འགྱུར་བ་ཡོངས་སུ་གཅོད་པའི་སེམས་བྱུང་སྟེ། མིག་གི་འདུས་ཏེ་རེག་པ་སོགས་དྲུག་གོ ། དེ་ཉིད་ཀྱི་དང་པོ་ལྔ་ལ་ཐོགས་པའི་རེག་པ་དང་། ཕྱི་མ་ལ་ཚིག་བླ་དྭགས་པའི་རེག་པ་ཞེས་གཉིས་སུ་ཡང་དབྱེའོ། །ཡང་རེག་པ་ལ་དབྱེ་ན། རིག་པའི་རེག་པ། མ་རིག་པའི་རེག་པ། དེ་ལས་གཞན་པའི་རེག་པ་གསུམ་སྟེ། དང་པོ་ནི་ཟག་མེད་ཀྱི་རེག་པ། གཉིས་པ་ནི་ཉོན་མོངས་ཅན་གྱི་རེག་པ། གསུམ་པ་ནི་དགེ་བ་ཟག་བཅས་དང་། མ་བསྒྲིབས་པའི་རེག་པའོ། །ཉོན་མོངས་ཅན་གྱི་རེག་པ་ལ་གནོད་སེམས་དང་མཚུངས་ལྡན་གྱི་རེག་པ་དང་། རྗེས་སུ་ཆགས་པ་དང་མཚུངས་ལྡན་གྱི་རེག་པ་གཉིས་སོ། །ཡང་རེག་པ་ལ་བདེ་བ་སྡུག་བསྔལ་བཏང་སྙོམས་མྱོང་འགྱུར་གྱི་རེག་པ་དང་གསུམ་སྟེ། དེ་ལྟར་དབྱེ་སྒོ་ལྔ་ལས། རྣམ་གྲངས་ཀྱི་སྒོ་ནས་བཅུ་དྲུག་ཏུ་བཞེད་དོ། །ཚོར་བ་ནི་རེག་པས་བཅད་པ་ལྟར་རྣམ་སྨིན་ཉམས་སུ་མྱོང་བའི་སེམས་བྱུང་སྟེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་སོགས་དྲུག་གོ ། སྲེད་པ་དང་ལེན་པ་གཉིས་ནི་ཕྲ་རྒྱས་བསྟན་པའི་སྐབས་སུ་འཆད་པར་འགྱུར་རོ། །སྲིད་པ་ནི་འདུ་བྱེད་ཀྱི་གནས་སྐབས་ལ་བཏགས་པའི་བཏགས་ཡོད་དོ། །སྐྱེ་བ་དང་རྒ་ཤི་གཉིས་ནི་རྣམ་པར་ཤེས་པ་ནས་ཚོར་བའི་བར་ལ་བཏགས་པའི་བཏགས་ཡོད་དོ། །ཉོན་མོངས་པ་གསུམ་དུ་བསྡུས་པ་སོགས་ཕལ་ཆེར་ནི་སྔ་མ་དང་འདྲ་ལ་རྒྱུ་འབྲས་དུས་བསྡུས་པའི་མངོན་པ་ཀུན་ལས་བཏུས་བཞིན་དུ་བཞེད་པར་མངོན་ནོ་ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། ། |
| Domain | ཆོས་ལུགས། |