53640

མདོའི་གླེང་གཞི་ལ་སྦྱར་བ་ (1)

Part of speech	མིང་ཚིག
Definition	མདོ། ཕར་ཕྱིན། ཚིག་རྐང་དང་པོས་ཐེག་དམན་འཕགས་པའི་རྒྱུད་ཀྱི་གཞི་ཤེས་དང་། གཉིས་པས་བྱང་སེམས་འཕགས་པའི་རྒྱུད་ཀྱི་ལམ་ཤེས་དང་། གསུམ་པས་སངས་རྒྱས་འཕགས་པའི་རྒྱུད་ཀྱི་རྣམ་མཁྱེན་བསྟན་ཏེ། དེའི་ཚེ་ཕྱག་འཚལ་བའི་ཡུལ་ནི་འཕགས་པ་སོ་སོའི་མཁྱེན་པ་གསུམ་ལ་འཇོག་པ་མ་ཡིན་གྱི། གང་དང་ཞེས་པའི་ཚིག་དེ་ཕྱག་འཚལ་བའི་ཡུལ་གྱི་ཡུམ་དང་འབྲེལ་བས་སངས་རྒྱས་ཀྱི་ཡུམ་གང་དང་ཡང་དག་པར་ལྡན་པས་ཐུབ་རྣམས་རྣམ་པ་ཀུན་ལྡན་སྣ་ཚོགས་འདི་གསུངས་པའི་སངས་རྒྱས་ཀྱི་ཡུམ་དེ་ལ་ཕྱག་འཚལ་ཞེས་འབྲེལ་བའི་ཕྱིར་རོ། །སངས་རྒྱས་དེ་ཇི་ལྟ་བུ་ཞེ་ན། ཉན་ཐོས་ཀྱི་དགེ་འདུན་གྱི་འཁོར་ཚོགས་དང་། བྱང་ཆུབ་སེམས་དཔའི་འཁོར་ཚོགས་དང་བཅས་པའི་སྤྲུལ་པའི་སྐུའོ་ཞེས་པའི་དོན་ཏེ། །གླེང་གཞི་ལ་སྦྱར་བའི་སྐབས་སུ་རྒྱས་པར་འབྱུང་ངོ་། །དེས་ན་བཤད་ཚུལ་དང་པོ་ལ་སངས་རྒྱས་ཀྱི་སྐྱེད་བྱེད་ཀྱི་ཡུམ་དང་། ཕྱི་མ་གཉིས་ལ་སངས་རྒྱས་ཀྱི་བཞེད་དོན་སྒྲུབ་བྱེད་ཀྱི་ཡུམ་ལ་ཕྱག་འཚལ་ཞེས་པར་འབྱུང་བས། ཕྱག་གི་ཡུལ་ནི་སངས་རྒྱས་ཀྱི་ཡུམ་ཁོ་ན་སྟེ། འདིར་བསྟན་བཅོས་ལུས་ཀྱི་བརྗོད་བྱའི་གཙོ་བོ་དང་མཐར་ཐུག་གི་འབྲས་བུ་ལ་ཕྱག་འཚལ་བའི་སྐབས་ཡིན་པའི་ཕྱིར། ཐེག་དམན་གྱི་རྒྱུད་ཀྱི་གཞི་ཤེས་ནི་འདིར་ཕྱག་འཚལ་བའི་ཡུལ་མ་ཡིན་ཏེ། བསྟན་བཅོས་འདིའི་གདུལ་བྱའི་གཙོ་བོ་ཐེག་དམན་གྱི་ལམ་ལ་འཇུག་པ་སྤངས་ནས་ཐེག་ཆེན་གྱི་ལམ་ལ་འཇུག་པའི་ཆེད་དུ་ལམ་རེ་རེའི་སྐབས་སུ་ཡང་ཐེག་དམན་གྱི་ལམ་ལས་ཁྱད་པར་འཕགས་ཚུལ་རེ་རེ་བསྟན་པའི་ཕྱིར་རོ། །འོ་ན་ཉན་ཐོས་རྣམས་ལ་ཕྱག་འཚལ་ལོ་ཞེས་བཤད་པ་དང་འགལ་ལོ་སྙམ་ན། དེ་ནི་སློབ་ལམ་གྱི་གནས་སྐབས་སུ་རང་ཉིད་ཀྱི་སྒྲིབ་པ་སྦྱང་ཞིང་ཚོགས་རྫོགས་པའི་ཆེད་དུ་མཆོད་འོས་ཀུན་ལ་ཕྱག་འཚལ་བ་ཡིན་པས་འདི་དང་འདྲ་བ་མ་ཡིན་ནོ། །ཞེས་ཀུན་མཁྱེན་གོ་རམས་པའི་སྦས་དོན་ཟབ་མོ་ལས་སོ། ། འཕགས་བཞིའི་མངོན་རྟོགས་རྣམས་འདིར་ཕྱག་འཚལ་བའི་ཡུམ་ཡིན་ནམ་ཞེ་ན། མ་ཡིན་ཏེ། མཆོད་བརྗོད་མདོའི་གླེང་གཞི་ལ་སྦྱར་བའི་སྐབས་འདིར་ནི་འཕགས་བཞིའི་མངོན་རྟོགས་ཀྱི་ནང་ནས་སངས་རྒྱས་འཕགས་པའི་རྒྱུད་ཀྱི་མངོན་རྟོགས་ཁོ་ན་སངས་རྒྱས་ཀྱི་བཞེད་དོན་སྒྲུབ་བྱེད་ཀྱི་ཡུམ་ཡིན་པས། དེ་ལ་ཕྱག་འཚལ་བ་ཡིན་ནོ། ཞེས་པཎ་ཆེན་ངག་ཆོས་ཀྱིས་རྒྱན་གྱི་བཀའ་འགྲེལ་དགོངས་དོན་རབ་གསལ་ལས་གསུངས་སོ།
Domain	ཆོས་ལུགས།