53685

མན་ངག་གི་རྩ་བ་ཡིན་པའི་ཆེ་བ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པའི་རྒྱུད་ཉིད་བསྟན་པ་གཞན་ལས་འཕགས་པའི་ཆེ་བ་བདུན་གསུངས་པའི་ཡ་གྱལ་ཞིག་སྟེ། དཔེ་བློན་པོ་བཞིན་དུ་རྒྱུད་འདི་མན་ངག་ཐམས་ཅད་ཀྱི་རྩ་བ་ཡིན་པའི་ཆེ་བ་ལྡན་ཚུལ། གཟི་ལྡན་འཆར་ཁའི་འོད་སྣང་ལས། དཔེར་ན་བློན་པོ་ལྟ་བུ་མི་གང་སུ་ཞིག་གིས་རྒྱལ་པོ་ཆེན་པོའི་བཀའ་ཡི་གསང་ལུང་ཚད་མ་དང་རྒྱ་རྟགས་ངེས་པར་ཐོབ་ན། མི་གང་གཞན་དམན་པ་སུ་ལ་ཡང་རག་མ་ལས་པར་རྒྱལ་པོའི་གྲོས་ལ་དབང་བསྒྱུར་བ་ལྟར་དུ། བསྟན་པའི་རྩ་བ་འདིའི་དོན་གསང་བའི་སྙིང་པོ་དབྱིངས་ལྷུན་གྲུབ་ཆེན་པོ་རྒྱལ་བའི་དགོངས་མཛོད་ཀུན་འདུས་པའི་ངོ་བོ་མ་ནོར་བར་ཁོང་དུ་ཆུབ་ན། གཞན་རྒྱུ་འབྲས་ཀྱི་ཐེག་པའི་ཚིག་གི་ཚོགས་ཇི་སྙེད་ཀྱི་སྨྲ་བ་དང་བརྗོད་པའི་ཐ་སྙད་གང་ཅི་ལའང་རྟེན་བཅའ་ཞིང་བྱ་བ་དང་འབད་པས་བརྩལ་མི་དགོས་པར་འདི་ཉིད་ཁོ་ནས་མཐར་ཐུག་གི་དོན་ལ་སྦྱོར་བས་མན་ངག་ཐམས་ཅད་ཀྱི་རྩ་བའང་ཡིན་ནོ། །ཞེས་གསུངས་པ་ལྟར་ཡིན།
Domain	ཆོས་ལུགས།