53893

མཚན་ཉིད་གསུམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། མཚན་ཉིད་གསུམ་ནི། རྒྱུ་ཤེས་པའི་མཚན་ཉིད་དང། རྐྱེན་འཇུག་པའི་མཚན་ཉིད་དང། མངོན་དུ་གྱུར་པ་འབྲས་བུའི་མཚན་ཉིད་དེ། དཀོན་ཅོག་འགྲེལ་ལས། དེ་ལ་ཤེས་པའི་མཚན་ཉིད་དང་། འཇུག་པའི་མཚན་ཉིད་དང་། འབྲས་བུའི་མཚན་ཉིད་གསུམ་གྱིས། གསང་སྔགས་ཀྱི་གཞུང་དུ་གྲགས་པའི་ཤེས་བྱའི་ཆོས་དང་། ལམ་གྱི་ཆོས་དང་། འབྲས་བུའི་ཆོས་ཐམས་ཅད་བསྡུས་པ་ཡང་ཡིན་ལ། དེ་དག་ཀྱང་རང་བཞིན་དབྱེར་མེད་པར་གསུངས་པ་ཡང་ཡིན་ནོ། །དེ་ཉིད་ཀྱིས་རིག་འཛིན་གྱི་ས་ཡོན་ཏན་དང་བཅས་པ་བསྡུས་པར་གསུངས་པ་ཡིན་ནོ། །དེ་ལ་ཤེས་པའི་མཚན་ཉིད་ནི། རྟོགས་པ་རྣམ་བཞིའི་ཚུལ་རིག་པ་སྟེ་རྒྱུའོ། །འཇུག་པའི་མཚན་ཉིད་ནི། ཇི་ལྟར་ཤེས་པ་དེ་བཞིན་དུ་སྒོ་གསུམ་གྱི་སྤྱོད་པས་ཉམས་སུ་བླངས་ཏེ་འཇུག་པའི་རྐྱེན་ནོ། །འབྲས་བུའི་མཚན་ཉིད་ནི། གོམས་པས་དེ་མངོན་དུ་གྱུར་པའོ། །དེ་ལ་མཚན་ཉིད་གསུམ་གྱི་མཚན་གཞི་ནི་རྟོགས་པ་རྣམ་པ་བཞི་ཉིད་དོ། །དེ་ཉིད་ལ་ཤེས་པ་ཙམ་གྱི་ཚུལ་དང་། དེ་ཉིད་གོམས་པར་བྱེད་པའི་ཚུལ་དང་། གོམས་པའི་མཐུས་མངོན་དུ་གྱུར་པའི་ཚུལ་དང་རྣམ་པ་གསུམ་ལ་མཚན་ཉིད་གསུམ་ཞེས་བྱའོ། །ཞེས་གསུངས།
Domain	ཆོས་ལུགས།