54000

མཚན་མཚོན་གཞི་གསུམ་གྱི་རང་ལྡོག་ (1)

Part of speech	མིང་ཚིག
Definition	དེས་ན་སྣང་བའི་ལྡོག་པ་ནི། །ཆོས་གསུམ་ཉིད་མིན་སེལ་བ་ཡི། །ཆོས་གསུམ་གྱི་ནི་རང་ལྡོག་ལ། །སྒྲུབ་དང་དགག་པ་གཉི་ག་ཡོད། །ཅེས་བྱ་བ། བ་ལང་གི་རང་མཚན་སྣང་བ་རྟོག་མེད་ཀྱི་ཡུལ་ཡིན་པས་མཚན་མཚོན་གྱི་ཐ་སྙད་མི་འཐད་དོ། །ཆོས་གསུམ་གའང་གཞན་སེལ་གྱི་ཆ་ནས་དངོས་པོའི་ཆ་བསྒྲུབ་ན་མ་ཡིན་དགག་དང་། དངོས་མེད་ཀྱི་ཆ་བསྒྲུབ་ན་མེད་དགག་ཡིན་ནོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། །
Domain	ཚད་མ།