5422

ཁེང་ལོག་སྐབས་ཀྱི་རྗེ་དཔོན་ཚན་པ་དྲུག་ (1)

Part of speech	མིང་ཚིག
Definition	༡ གཙང་ལྷ་ཕུ་དར་ལྷ་ཡིས་ཞུ་བ་ཕུལ། །གྲོམ་པ་ལྷ་རྩེ་བཙན་པོའི་མཁར་ལ་བརྟེན། །འབྲོ་དང་ལྕོག་རོག་ཞུ་བ་བྱས་ནས་སུ། །ཉེ་བོ་གཞུང་སྟག་རྗེ་དཔོན་ཚན་གཅིག་ཆགས། ༢ ཁ་རག་ཁྱུང་བཙུན་ལྷ་ཡིས་ཞུ་བ་བྱས། །སྦྲང་ཆར་སྦྲེ་ཅན་བཙན་པོའི་མཁར་ལ་བརྟེན། །མྱང་དང་སྣང་གིས་ཞུ་བ་བྱས་ནས་སུ། །འཕན་ཡུལ་ཟ་གད་སྟག་པར་རྗེའུ་ཚན་གཅིག་ཆགས། །༣ ལྷམ་ལྷ་ཕོ་རྒྱུད་ཀྱིས་ནི་ཞུ་བ་བྱས། །བྱང་ཚར་གླ་ནར་རྗེ་དཔོན་ཚན་གཅིག་ཆགས། །༤ སྙི་ཐུད་གཉིས་ཀྱིས་མ་ཕྱར་བྱས་ནས་སུ། །ལྷོ་བྲག་རྟམ་ཤུལ་རྗེ་དཔོན་ཚན་གཅིག་ཆགས། ༥ ཡར་ལྷ་ཤམ་བུ་ལྷ་ཡིས་ཞུ་བ་བྱས། །ཁུ་དང་སྙགས་ཀྱིས་མ་ཕྱར་བྱས་ནས་སུ། །ཡར་ལུང་སྟོད་དུ་རྗེ་དཔོན་ཚན་གཅིག་ཆགས། །༦ འཕྱོས་ལྷ་དཀར་པོ་ལྷ་ཡིས་ཞུ་བ་བྱས། །ཕོ་རྒྱུད་ཅོ་མཁར་བཙན་པོའི་མཁར་ལ་བརྟེན། །ཚེ་བུད་གཉིས་ཀྱིས་མ་ཕྱར་བྱས་ནས་སུ། །རྗེ་དཔོན་ཚན་གཅིག་འཕྱོས་སུ་ཆགས། །དེ་ནི་ཁེང་ལོག་ལོ་རྒྱུས་སོ། །
Domain	ལོ་རྒྱུས།