54431

མཚོན་བྱ་ (1)

Part of speech	མིང་ཚིག
Definition	རྒྱུ་མཚན་ཅན་གྱི་སྒྲ་ཤེས་ནི། །མཚོན་བྱ་ཉིད་ཡིན་དེ་ཡི་གཞི། །རྒྱུ་མཚན་ཉིད་ལས་བརྡ་སྦྱར་བའོ། །མཚོན་བྱའི་མཚན་ཉིད་ནི། རྒྱུ་མཚན་ཅན་གྱི་སྒྲ་བློ་གྲུབ་པ་ཞེས་བྱ་བ་ཉིད་དོ། །དེའི་མཚན་གཞི་ནི་དོན་ལྡོག་ལ་བརྡ་སྦྱར་བའོ། །དེ་ལྟར་རྟོགས་ནས་སྒོ་གསུམ་ནི། །འཇུག་པ་དེ་ཡི་ཐ་སྙད་ཡིན། །ཐ་སྙད་རྣམ་པ་གསུམ་སྟེ། ལུས་ཀྱི་ཐ་སྙད་བ་ལང་བླང་དོར་ལ་འཇུག་པ། ངག་གི་ཐ་སྙད་ཡིན་པ་དང་མ་ཡིན་པ་བརྗོད་པ། ཡིད་ཀྱི་ཐ་སྙད་ཡོད་མེད་དཔྱོད་པ་ལ་སོགས་པའོ། །དེ་ལྟ་བུའི་འཇིག་རྟེན་གྱི་བྱ་བ་བསྒྲུབ་པ་ནི་ཐ་སྙད་བསྒྲུབ་པ་ཡིན་ནོ། །དོན་ལ་ལྟོས་པའི་མིང་ཡིན་པས། །བཏགས་ཡོད་ཉིད་ཡིན་དངོས་པོ་ལ། །མ་གྲུབ་ཕྱིར་ན་སྒྲོ་བཏགས་ཡིན། །དེས་ན་སྒྲ་རང་གི་མཚན་ཉིད་དང་། སྒྲ་སྤྱི་ཙམ་དང་། མིང་དངོས་སུ་བཏགས་པ་ཙམ་མཚོན་བྱ་མ་ཡིན་ཏེ། ལྷས་བྱིན་ལ་སོགས་པ་མིང་གི་སྒྲ་ཐམས་ཅད་ཀྱང་མཚོན་བྱར་ཐལ་བའི་ཕྱིར་དང་། གདགས་སུ་རུང་བ་ཙམ་ཡང་མ་ཡིན་ཏེ་དེ་ཤེས་བྱ་ཐམས་ཅད་ལ་ཡོད་པའི་ཕྱིར་རོ། །དེས་ན་རིགས་ཀྱི་སྒྲ་མཚན་ཉིད་ལ་ལྟོས་པ་རྒྱུ་མཚན་ཅན་གྱི་མིང་གི་སྤྱི་དེ་མཚོན་བྱ་ཡིན་ནོ། །བློས་ཞེན་རུང་གི་ཆོས་དེ་བློ་ཡུལ་དུ་འགྲོ་བ་མཚན་ཉིད་ལ་ལྟོས་པས་བཏགས་ཡོད་ཡིན་ནོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། ། དེ་ལ་རྒྱུ་མཚན་ཅན་གྱི་ཞེས་པ་ནི། ལྟོ་ལྡིར་བ་ལྟ་བུ་དོན་ལྡོག་རྒྱུ་མཚན་དུ་བྱས་པ་ཅན་གྱི་ཞེས་པའི་དོན་ནོ། །དེའི་སྒྲ་ནི་ལྟོ་ལྡིར་བ་རྒྱུ་མཚན་དུ་བྱས་ནས་བརྟགས་པའི་བུམ་པ་ཞེས་པའི་སྒྲ་ལྟ་བུའོ། །ཤེས་པ་ནི་སྒྲ་དེ་ལ་བརྟེན་ནས་མིང་སྒྲ་སྤྱི་དངོས་ཡུལ་དུ་བྱེད་པའི་རྟོག་པའོ། །གྲུབ་པ་ཞེས་པ་ནི་སེལ་ངོར་གྲུབ་པ་སྟེ། མིང་གི་ཡུལ་ཅན་གྱི་སྒྲ་རྟོག་གང་ལ་གྲུབ་པའི་གཞི་རང་མཚན་དང་སྒྲ་དོན་སོ་སོར་མ་ཕྱེ་བའི་བུམ་པ་ལྟ་བུའོ། །ཞེས་ཀུན་མཁྱེན་གོ་རམས་པའི་སྡེ་བདུན་རབ་གསལ་ལས་སོ། །
Domain	ཚད་མ།

མཚོན་བྱ་ (2)

Part of speech	མིང་ཚིག
Definition	རྗེ་ཙོང་ཁ་པའི་སྡེ་བདུན་ལ་འཇུག་པའི་སྒོ་དོན་གཉེར་ཡིད་ཀྱི་མུན་སེལ་ལས། མཚོན་བྱའི་མཚན་ཉིད། ཐ་སྙད་ཆོས་གསུམ་ཚང་བ། ཞེས་དང་། ཡང་ན། མཚོན་བྱའི་མཚན་ཉིད། རྟགས་ཡོད་ཆོས་གསུམ་ཚང་བ་དང༌། གཞག་བྱ་ཆོས་གསུམ་ཚང་བ། ཞེས་ཀྱང་རུང་ངོ༌། །ཞེས་གསུངས།