54469

མཛད་པ་ཉི་ཤུ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། སངས་རྒྱས་སྤྲུལ་སྐུའི་མཛད་པ་བཅུ་གཉིས་པོ་རྒྱས་པར་ཉི་ཤུར་ཕྱེ་བར་སྣང་། ཧེ་རུ་ཀ་གལ་པོ་ལས། སངས་རྒྱས་སྤྲུལ་པའི་སྐུ་རྣམས་ལ། །མི་ཡི་ཡུལ་དུ་འདུལ་མཛད་པ། །བཅོམ་ལྡན་ཤཱཀྱ་སེང་གེ་ཡིས། །མཛད་པ་ཉི་ཤུས་བྱང་ཆུབ་བོ། །ཞེས་གསུངས་པ་ལྟར་རྒྱ་ཆེར་རོལ་པར་གསུངས་པ་ལ་ཁ་བསྐང་སྟེ། དང་པོར་དགའ་ལྡན་གནས་ནས་གཤེགས། །དེ་ནས་འཆི་འཕོའི་ཚུལ་བསྟན་པ། །ཡུམ་གྱི་ལྷུམས་སུ་ཞུགས་པ་དང༌། །དེ་བཞིན་ལྷུམས་ན་གནས་པ་དང༌། །ལྷུམས་ནས་བལྟམས་པར་གྱུར་པ་དང༌། །ཚངས་དང་བརྒྱ་བྱིན་གྱིས་བླངས་དང༌། །ཀ་ཤིའི་རས་ཀྱིས་དཀྲིས་པ་དང༌། །ཀླུ་ཡིས་སྐུ་ཁྲུས་གསོལ་བ་དང༌། །མཚན་མཁན་རྣམས་ཀྱིས་མཚན་བརྟགས་དང༌། །ཕྱོགས་བཞིར་གོམ་པ་བདུན་བོར་དང༌། །གྱད་ཟླ་རྣམས་དང་གྱད་བཀྱེ་དང༌། །ཡི་གེ་འཕོང་དང་བཟོ་བསླབ་དང༌། །ཁབ་དང་རྒྱལ་སྲིད་བཞེས་པ་དང༌། །རབ་བྱུང་འཁོར་རྣམས་མི་དགའ་དང༌། །འཁོར་རྣམས་ཀུན་གྱིས་བསྲུངས་པ་དང༌། །ནཻ་རཉྫ་ནར་དཀའ་ཐུབ་དང༌། །སྤྲེ་འུས་སྦྲང་རྩི་ཕུལ་བ་དང༌། །ཤིང་དྲུང་རྡོ་རྗེའི་གདན་སྟེང་དུ། །མངོན་པར་བྱང་ནི་ཆུབ་པ་སྟེ། །ཆོས་འཁོར་བསྐོར་དང་མྱང་འདས་སོ། །རྣམ་པ་ཉི་ཤུ་ཐམ་པར་འདོད། །ཅེས་ལོ་ཙཱ་བས་གལྤོའི་མཆན་ལས་འབྱུང་བ་ལྟར་ཉི་ཤུའོ། །
Domain	ལོ་རྒྱུས།