55072

མི་ཆོས་བཅུ་དྲུག་ (1)

Part of speech	མིང་ཚིག
Definition	བཻ་རོ་ཙཱ་ནའི་ཞལ་ནས་གསུངས་པའི་མི་ཆོས་ཏེ། ཨེ་མ། ལྷ་ཆོས་ཐར་པ་བསྒྲུབ་པར་མ་ནུས་ཀྱང༌། །མི་ཆོས་དྲང་པོ་ལུགས་བཞིན་སྤྱད་པ་ན། །མཐོ་རིས་ཐར་པ་ཐོབ་པར་ཐེ་ཚོམ་མེད། །མཐོ་རིས་ཐོབ་ན་ཐར་ལས་སྐས་ཁ་ཡིན། །མྱ་ངན་འདས་པའང་དེའི་རྩར་ཡོད་པས། །དཀོན་མཆོག་མཆོད་ཅིང་དད་པ་སྐྱོ་ངན་མེད། །དོན་དམ་འབྲས་བུ་ཆོས་ལ་ཤིན་ཏུ་མོས། །གཙུག་ལག་ལ་སོགས་འབྲི་ཀློག་ཁ་ཏོན་བསླབ། །བྱ་བ་གང་ལའང་རན་ཚོད་ཟིན་པར་བྱེད། །མ་བརྟག་ལས་ལ་མི་འཇུག་ཁ་མི་སྨྲ། །མཐོ་ལ་ཡར་བལྟ་གོང་མའི་རྗེས་སུ་སྙེགས། །ཕ་མ་ལ་སོགས་དྲིན་ལན་རིན་གྱིས་བརླན། །ཕུ་ནུ་ཕ་ཚན་ནང་དུ་ཤོང་ཡངས་བསྐྱེད། །རྒན་པ་ཀུན་ལ་རིན་པས་བཀུར་བསྟི་བྱེད། །ཁྱིམ་མཚེས་ལ་སོགས་འགྲོགས་མཁས་བྱམས་པ་དང༌། །ཤག་རིགས་དགའ་བཤེས་ཀུན་ལ་ཕན་ཡང་བཏགས། །སྲིད་འབྲེལ་གཉེན་འདུན་ཀུན་དང་མཐུན་པར་བྱ། །ལྟོས་པའི་མི་ལ་དྲིན་གྱི་སྐྱབས་འོག་གཞུག ། རྒྱལ་ཁམས་ཡུལ་སོགས་བདེ་བའི་གྲོས་གཞིར་བཟུང༌། །བུ་ཆུང་གཉེན་རྣམས་ཐབས་ཀྱི་ཆོས་ལ་འཛུད། །རང་གི་བློ་ཡང་ལས་མཐའ་ཆོས་ལ་གཏད། །དེ་ལྟར་བཅུ་དྲུག་སོས་སྤྱོད་ཚེ་འཕོས་ནས། །མི་ཡི་རྒྱལ་པོ་སུམ་ཅུ་རྩ་གསུམ་ལྟ། །བློན་ཆེན་ཐོབ་ནས་ཐར་པའི་ལམ་རྙེད་འགྱུར། །ཅེས་གསུངས་སོ། །
Domain	ཆོས་ལུགས།