55129

མི་དགེ་བ་དང་ལུང་མ་བསྟན་གྱི་ཕྲ་རྒྱས་ (1)

Part of speech	མིང་ཚིག
Definition	མདོ། མངོན་པ། མི་དགེ་བ་དང་ལུང་དུ་མ་བསྟན་པར་དབྱེ་བ་ནི་ཁམས་གོང་མ་གཉིས་ཀྱི་ཉོན་མོངས་པ་ཐམས་ཅད་ནི་བསྒྲིབས་ལ་ལུང་དུ་མ་བསྟན་པ་ཡིན་ཏེ། ཉོན་མོངས་ཅན་ཡིན་ལ། གོང་ན་མི་དགེ་བ་མེད་པའི་ཕྱིར་དང་། གལ་ཏེ་མི་དགེ་བ་ཡོད་ན་དེའི་རྣམ་སྨིན་ནི་སྡུག་བསྔལ་ཡིན་ན་སྡུག་བསྔལ་དེ་ཡང་ཁམས་གོང་མ་གཉིས་ན་མེད་དེ། ཕ་རོལ་ལ་གནོད་པའི་རྒྱུ་གནོད་སེམས་ལ་སོགས་པ་མེད་པའི་ཕྱིར་དང་། ཉོན་མོངས་པ་དགེ་བ་དང་མ་བསྒྲིབས་པར་འགྱུར་བའང་མི་སྲིད་པའི་ཕྱིར་རོ། །སློབ་དཔོན་འཕགས་པ་ནི་ཁམས་གོང་མ་གཉིས་ཀྱི་ཉོན་མོངས་ལ་ཞི་གནས་དང་ལྡན་པས་ཉེ་བར་ཞི་བས་ལུང་དུ་མ་བསྟན་པ་ཞེས་བཞེད་དེ། ཀུན་ལས་བཏུས་ལས། ཉེ་བར་ཞི་བས་ལུང་དུ་མ་བསྟན་པ་གང་ཞེ་ན། གཟུགས་དང་གཟུགས་མེད་པ་ན་སྤྱོད་པའི་ཉོན་མོངས་པ་སྟེ། ཞི་གནས་དང་ལྡན་པའི་ཕྱིར་རོ་ཞེས་འབྱུང་བའི་ཕྱིར་རོ། །འདོད་པའི་ཁམས་ན་འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་དང་དེ་དག་གཉིས་དང་ལྷན་ཅིག་མཚུངས་པར་ལྡན་པའི་མ་རིག་པ་གསུམ་ནི་བསྒྲིབས་ལ་ལུང་མ་བསྟན་ཡིན་ནོ། །ཕྲ་རྒྱས་ལྷག་མ་རྣམས་ནི་འདོད་པའི་ཁམས་འདིར་མི་དགེ་བ་ཡིན་པར་ཤེས་པར་བྱའོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།