55133

མི་དགེ་བ་བཅུའི་ལས་ཀྱི་རྒྱུ་མཐུན་གྱི་འབྲས་བུ་ (1)

Part of speech	མིང་ཚིག
Definition	མདོ། མངོན་པ། མི་དགེ་བ་བཅུ་པོ་ཐམས་ཅད་ཀྱིས་ཀྱང་བདག་པོ་དང་རྒྱུ་མཐུན་པ་དང་རྣམ་པར་སྨིན་པའི་འབྲས་བུ་གསུམ་གསུམ་འབྱིན་པར་འདོད་དེ། རྒྱུ་མཐུན་ལ་བྱེད་པ་རྒྱུ་མཐུན་ནི་མི་དགེ་བ་བྱེད་པ་ལ་གོམས་ལོབས་ཅན་དུ་འགྱུར་ལ། མྱོང་བ་རྒྱུ་མཐུན་ནི་རིན་པོ་ཆེའི་ཕྲེང་བ་ལས། གསོད་པ་ཡིས་ནི་ཚེ་ཐུང་འགྱུར། །རྐུ་བ་ཡིས་ནི་ལོངས་སྤྱོད་ཕོངས། །བྱི་བ་བྱེད་པས་དགྲ་དང་བཅས། །རྫུན་དུ་སྨྲ་བས་སྐུར་མང་སྟེ། །ཕྲ་མ་ཡིས་ནི་བཤེས་དང་འབྱེད། །རྩུབ་པོ་ཡིས་ནི་མི་སྙན་ཐོས། །མ་འབྲེལ་བ་ཡིས་ཚིག་མི་བཙུན། །བརྣབ་སེམས་ཡིད་ལ་རེ་བ་འཇོམས། །གནོད་སེམས་འཇིགས་པ་སྦྱིན་པར་བཤད། །ལོག་པར་ལྟ་བས་ལྟ་ངན་ཉིད། །ཅེས་གལ་ཏེ་དམྱལ་བ་ལ་སོགས་པ་ནས་ཐར་ནས་དགེ་བས་མིར་སྐྱེས་ན་དེ་ལྟ་བུ་འབྱུང་བར་བཤད་ལ། འདིའི་འགྲེལ་པར་ནི་བརྣབ་སེམས་ཀྱིས་ནི་འདོད་ཆགས་ཤས་ཆེ་བར་འགྱུར་རོ། །གནོད་སེམས་ཀྱིས་ནི་ཞེ་སྡང་ཤས་ཆེ་བར་འགྱུར་རོ། །ལོག་པར་ལྟ་བས་ནི་གཏི་མུག་ཤས་ཆེ་བར་འགྱུར་ཏེ་དེ་ལ་ནི་གཏི་མུག་མང་བའི་ཕྱིར་རོ་ཞེས་བཤད་ལ། གཞན་དག་ནི་འདྲ་བར་བཤད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།