55142

མི་དགེ་བའི་རྒྱུ་མཐུན་གྱི་འབྲས་བུ་ (1)

Part of speech	མིང་ཚིག
Definition	རང་རྒྱུ་མི་དགེ་བ་དང་རྣམ་པ་མཐུན་པར་འབྱུང་བའི་འབྲས་བུ་སྟེ། དཔེར་ན་མི་རྣམས་དང་སྐལ་བ་མཉམ་པར་སྐྱེས་ན་ཡང་སྲོག་གཅོད་པས་ནི་ཚེ་ཐུང་བར་འགྱུར་བ་དང་། མ་བྱིན་པ་ལེན་པས་ནི་ལོངས་སྤྱོད་ཀྱིས་ཕོངས་པར་འགྱུར་བ་དང་། རྫུན་དུ་སྨྲ་བས་ནི་སྐུར་བ་མང་པོར་འགྱུར་བ་དང་། ཕྲ་མས་ནི་དེ་མཛའ་བོ་དང་འབྱེད་པར་འགྱུར་བ་དང་། ཚིག་རྩུབ་པོས་ནི་ཡིད་དུ་མི་འོང་བའི་སྒྲ་ཐོས་པར་འགྱུར་བ་དང་། ཚིག་ཀྱལ་པས་ནི་གཟུང་བར་མི་འོས་པར་འགྱུར་བ་དང་། བརྣབ་སེམས་ཀྱིས་ནི་འདོད་ཆགས་ཤས་ཆེ་བར་འགྱུར་བ་དང་། གནོད་སེམས་ཀྱིས་ནི་ཞེ་སྡང་ཤས་ཆེ་བར་འགྱུར་བ་དང་། ལོག་པར་ལྟ་བས་ནི་གཏི་མུག་ཤས་ཆེ་བར་འགྱུར་ཏེ། དེ་ལ་ནི་གཏི་མུག་མང་པོའི་ཕྱིར་རོ། །དེ་ལྟ་བུ་འབྱུང་བ་རྣམས་དེ་དག་གི་རྒྱུ་མཐུན་པའི་འབྲས་བུའོ། །
Domain	ཆོས་ལུགས།