55374

མི་ཟད་པའི་མཛོད་མངའ་བའི་རྟགས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། རྟགས་ཀྱི་རྟོག་པའི་ནང་གསེས་ཤིག་སྟེ། འདིའི་དོན་གཟི་ལྡན་འཆར་ཁའི་འོད་སྣང་ལས། རྣམ་པ་བཞིའི་སྒོ་ནས་རེ་འདོད་སྐོང་བས་མི་ཟད་པའི་མཛོད་དམ་པ་ཡོན་ཏན་འཕེལ་འགྲིབ་མི་མངའ་བར་སྣང་ཞིང་མཚོན་པའི་རྟགས་ནོར་བུ་རིན་པོ་ཆེ་མངའ་བ་རྣམས་ཏེ། ཞེས་དང་། མི་ཟད་པའི་མཛོད་མངའ་བའི་རྟགས་གང་ཞེ་ན། འདི་ལྟ་སྟེ། ལྷུན་གྱིས་རྫོགས་པའི་ཁྲོ་བོའི་ཐུགས་ཡེ་ཤེས་ནི་རིན་པོ་ཆེ་ཉིད་དེ། དཔེ་ནོར་བུ་མཆོག་ལྟ་བུ་བས། རྣམ་པར་གྲོལ་བའི་སྒོ་གདུལ་བྱའི་མོས་པ་ལྟར་སྣང་ནས་འདོད་པ་སྐོང་བ་དང༌། འོ་ན་ཟད་པ་ཡོད་དམ་ཞེ་ན། དབྱིངས་དང་མཉམ་པས་མི་ཟད་པར་ཡོན་ཏན་འབྱུང་བ་དང༌། འོ་ན་དགོས་ཆེད་ཡོད་དམ་ཞེ་ན། ཁམས་གསུམ་གྱི་རྨོངས་པའི་མུན་པ་ཐམས་ཅད་སེལ་བར་བྱེད་པ་ཅན་དང༌། འོ་ན་རྒྱུན་དུ་འབྱུང་ངམ་ཞེ་ན། དུས་ཀུན་ཏུ་རྩོལ་བ་དང་བྲལ་ཏེ་འགགས་པ་མེད་པས་རྒྱུན་མི་འཆད་པར་སྣང་བའོ། །ཞེས་གསུངས།
Domain	ཆོས་ལུགས།