55375

མི་ཟད་པའི་མཛོད་རབ་ཏུ་འཐོབ་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཉེར་དགུ་ལས་བྱུང་བ་སྟེ། ༡ སྐྲའི་སྦུབས་གཅིག་ཏུ་སངས་རྒྱས་གྲངས་མེད་པ་འབྱུང་བ་ལ་འཇུག་པའི་ཕྱིར་སངས་རྒྱས་བལྟ་བའི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༢ ཆོས་ཐམས་ཅད་གཅིག་ཏུ་རབ་ཏུ་གཞོལ་བའི་དེ་བཞིན་གཤེགས་པའི་སྟོབས་དང་ཡེ་ཤེས་ཀྱི་ཕྱིར་ཆོས་ལ་འཇུག་པའི་གཏེར་མི་ཟད་པའི་མཛོད་དུ་འཐོབ་བོ། ། ༣ དེ་བཞིན་གཤེགས་པ་ཐམས་ཅད་ཀྱིས་ཆོས་བསྟན་པ་ཡོངས་སུ་བཟུང་ཞིང་ཆུད་མི་ཟོས་པར་བྱ་བའི་ཕྱིར་དྲན་པས་བཟུང་བའི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༤ དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཚུལ་དང་དགོངས་པ་ཤིན་ཏུ་བསྟན་པ་ལ་མཁས་པར་བྱ་བའི་ཕྱིར་བླ་གོས་རྣམ་པར་ངེས་པའི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༥ ཆོས་ཀྱི་ཚུལ་རྣམ་པར་དབྱེ་བ་ལ་མཁས་པར་བྱ་བའི་ཕྱིར་རིགས་པས་འཛིན་པའི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༦ ནམ་མཁའི་དབྱིངས་དང་མཉམ་པའི་བློས་དུས་གསུམ་ཐམས་ཅད་ཁྱད་པར་བྱ་བའི་ཕྱིར་བློ་ཚད་མེད་པའི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༧ སེམས་ཅན་ཐམས་ཅད་ཚིམ་པར་བྱ་བས་མི་ཟད་པར་བྱ་བའི་ཕྱིར་བསོད་ནམས་ཀྱི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༨ སེམས་ཅན་ཐམས་ཅད་ཀྱི་མུན་པ་དང་། རབ་རིབ་དང་། ལིང་ཏོག་དང་། གཏི་མུག་དང་། མ་རིག་པའི་མུན་པ་རྣམ་པར་བསལ་བའི་ཕྱིར་ཡེ་ཤེས་དང་དགའ་བ་དང་བློའི་གཏེར་མི་ཟད་པའི་མཛོད་རབ་ཏུ་འཐོབ་བོ། ། ༩ སངས་རྒྱས་ཐམས་ཅད་ཀྱི་ཆོས་ཉིད་མི་དད་པ་རབ་ཏུ་བསྟན་པས་སེམས་ཅན་ཐམས་ཅད་ཤེས་པར་བྱ་བའི་ཕྱིར་སྤོབས་པ་རྣམ་པར་ངེས་པའི་གཏེར་རབ་ཏུ་འཐོབ་བོ། ། ༡༠ བྱང་ཆུབ་སེམས་དཔའ་སྤྱོད་པ་རྒྱུན་མི་འཆད་པས་ཐམས་ཅད་མཁྱེན་པ་ཉིད་ཆགས་པ་མེད་པའི་ཐབས་སྐྱོན་མེད་པའི་དབང་བསྐུར་བའི་ཕྱིར་སྟོབས་བཅུ་དང་མི་འཇིགས་པའི་གཏེར་མི་ཟད་པ་རབ་ཏུ་འཐོབ་པ་སྟེ། གཏེར་མི་ཟད་པའི་མཛོད་བཅུ་པོ་འདི་དག་རབ་ཏུ་འཐོབ་བོ། །
Domain	ཆོས་ལུགས།

{{#arraymap:མི་ཟད་པའི་མཛོད་རབ་ཏུ་འཐོབ་པ་བཅུ་

|; |@@@ | | }}