55705

མི་སློབ་པས་ཤེས་པ་ཐོབ་ཚུལ་ (1)

Part of speech	མིང་ཚིག
Definition	མདོ། མངོན་པ། མི་སློབ་པས་མངོན་པར་ཤེས་པ་འཐོབ་པར་བྱེད་པ་ལ་ནི་མི་གཡོ་བ་ལ་དགུ་དང་གཞན་ལ་ནི་བརྒྱད་འཐོབ་པར་འགྱུར་རོ། །རབ་ཏུ་རྟོགས་པའི་སྐལ་བ་ཅན་ཞིག་མི་གཡོ་བ་འཐོབ་པར་བྱེད་པའི་བར་ཆད་མེད་པའི་ལམ་ལའང་ཆོས་ཤེས་རྗེས་ཤེས་དང་བདེན་པ་བཞི་ཤེས་དང་ཟད་ཤེས་དང་བདུན་འཐོབ་པ་ལས་ཆོས་ཤེས་རྗེས་ཤེས་གང་རུང་ཞིག་དང་བདེན་པ་བཞི་ཤེས་གང་རུང་ཞིག་དང་ཟད་པ་ཤེས་པ་དང་གསུམ་ད་ལྟར་བ་དང་གཞན་ནི་མ་འོངས་པ་འཐོབ་བོ། །སྙིང་པོ་ཟག་མེད་ཀྱི་དབང་པོ་འཕོ་བའི་ཕྱིར་དང་། བར་ཆད་མེད་ལམ་ཡིན་པས་གཞན་གསུམ་ནི་མི་འཐོབ་སྟེ། ཀུན་རྫོབ་ཤེས་པ་ཟག་བཅས་ཡིན་པས་དབང་པོ་རྟུལ་པོ་དང་སྲིད་རྩེའི་གཉེན་པོ་མ་ཡིན་པ་དང་། ཤེས་པ་གཞན་གཉིས་རྣམ་གྲོལ་གྱི་ལམ་ཡིན་པའི་ཕྱིར་རོ། །སྲིད་རྩེའི་རྣམ་གྲོལ་གྱི་ལམ་དགུ་པ་ཟད་པ་ཤེས་པ་ལ་ནི་དབང་པོ་རྟུལ་པོ་ལ་ཉམས་པ་སྲིད་པས་མི་སྐྱེ་བ་ཤེས་པ་མ་གཏོགས་པ་ཤེས་པ་དགུ་འཐོབ་ཅིང་། མི་གཡོ་བའི་ཆོས་ཅན་གྱིས་ནི་མི་སྐྱེ་བ་ཤེས་པའང་འཐོབ་པས་བཅུ་འཐོབ་ལ། མི་གཡོ་བ་དེར་དབང་པོ་འཕོ་བའི་རྣམ་པར་གྲོལ་བའི་ལམ་ཐ་མ་ལའང་བཅུ་པོ་ཐམས་ཅད་འཐོབ་བོ། །འདི་དག་ལ་སྡུག་བསྔལ་དང་ཀུན་འབྱུང་ཤེས་པ་གང་རུང་ཞིག་དང་རྗེས་ཤེས་དང་ཟད་པ་དང་མི་སྐྱེ་བ་ཤེས་པ་གང་རུང་ཞིག་སྟེ་གསུམ་ནི་ད་ལྟར་བྱུང་བ་ཡིན་ལ་གཞན་དག་ནི་མ་འོངས་པ་འཐོབ་བོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།