55918
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། མངོན་པ། མིག་སོགས་ལྔ་པོ་རྣམས་ནི་དོན་བཞི་བཞི་ལ་དབང་བྱེད་དེ། མིག་ལོང་བ་དང། རྣ་བ་འོན་པ་དང། ལྕེ་མེད་པ་དང། ལུས་ཉམས་པ་ནི་མི་མཛེས་པས་རྟེན་མཛེས་པ་དང། མིག་དང་རྣ་བས་གཟུགས་སྒྲ་ཡ་ང་བ་སྤང་བ་དང། སྣ་ལྕེ་ལུས་གསུམ་གྱིས་དྲི་རོ་རེག་བྱའི་ཁམ་ཟས་ལ་ལོངས་སྤྱོད་པས། དབང་པོ་རྟེན་བཅས་རྒྱས་ཤིང་ལུས་བསྲུང་བ་དང་། མཐོང་ངོ་ཞེས་པ་ལ་སོགས་པ་གཞན་ལ་མེད་པའི་ཐ་སྙད་དུ་ཐུན་མོང་མ་ཡིན་པ་དང། རང་རང་གི་རྣམ་ཤེས་མཚུངས་ལྡན་དང་བཅས་པ་བསྐྱེད་པ་ལ་དབང་བྱེད་དོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། ། མིག་ལ་སོགས་པའི་དབང་པོ་ལྔ་པོ་རྣམས་ནི་ལུས་མཛེས་པར་བྱེད་པ་དང། ལུས་ཡོངས་སུ་བསྲུང་བ་དང། མིག་གི་རྣམ་ཤེས་མཚུངས་ལྡན་དང་བཅས་པ་ལ་སོགས་པ་སྐྱེད་པ་དང། གཟུགས་བལྟས་སོ། །སྒྲ་སྙན་ནོ་ཞེས་བྱ་བ་ལ་སོགས་པ་ཐ་སྙད་ཐུན་མོང་མ་ཡིན་པ་ཞེས་བྱ་བའི་དོན་བཞི་བཞི་ལ་དབང་བྱེད་དོ། །དེ་ལ་ལུས་ཡོངས་སུ་བསྲུང་བ་ལ་དབང་བྱེད་པ་ནི་མིག་དང་རྣ་བས་ཡུལ་ཡིད་དུ་མི་འོང་པ་དག་མཐོང་བ་དང་ཐོས་ནས་ཡ་ང་བ་ལས་ལུས་སྲུང་བའི་ཕྱིར་དང། སྣ་ལྕེ་ལུས་གསུམ་གྱིས་ཁམ་ཟས་ལ་ལོངས་སྤྱད་པས་ལུས་རྒྱས་པར་བྱེད་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། ། |
| Domain | ཆོས་ལུགས། |
{{#arraymap:མིག་སོགས་དབང་པོ་ལྔའི་བྱེད་ལས་
|; |@@@ | | }}