56107

མིའི་ལུས་ཚད་ (1)

Part of speech	མིང་ཚིག
Definition	མི་རྣམས་ལས་འཛམ་བུའི་གླིང་པའི་མི་རྣམས་ཀྱི་ལུས་ཚད་ནི་ཆེ་བ་རྣམས་ཁྲུ་བཞི་པ་དང་ཆུང་བ་རྣམས་ཕྱེད་དང་བཞི་པ་ཡིན་ནོ། །ཁྲུ་ནི་ཐམས་ཅད་དུ་འོག་ནས་འཆད་པའི་ཕྲ་རབ་རྡུལ་ལ་སོགས་པ་བསགས་པའི་ཚད་དང་ལྡན་པ་ཡིན་གྱི་རང་རང་གི་ཁྲུ་ནི་མ་ཡིན་ནོ། །ཤར་ལུས་འཕགས་པོ་དང་། ནུབ་བ་ལང་སྤྱོད་པ་དང་། བྱང་སྒྲ་མི་སྙན་པ་ཞེས་བྱ་བ་རྣམས་ནི་རིམ་པ་ལྟར་སྔ་མ་སྔ་མ་ཉིས་འགྱུར་གྱིས་བསྐྱེད་པ་ཁྲུ་བརྒྱད་དང་བཅུ་དྲུག་དང་སུམ་ཅུ་རྩ་གཉིས་པ་ཡིན་ནོ། །དེ་དག་ཀྱང་འཛམ་བུའི་གླིང་པའི་ཁྲུའི་དབང་དུ་བྱས་ཀྱི་རང་རང་གི་ནི་ཁྲུ་བཞི་པ་ཁོ་ན་ཡིན་ནོ་ཞེས་གསུང་ངོ་། །གླིང་ཕྲན་རྣམས་ཀྱི་མི་རྣམས་ནི་གཙོ་བོའི་གླིང་གི་མིའི་ལུས་ཀྱི་ཕྱེད་ཕྱེད་དང་ལྡན་ནོ་ཞེས་གྲག་གོ ། སློབ་དཔོན་གང་སྤེལ་གྱིས་ཀྱང་བར་གྱི་གླིང་བརྒྱད་པོ་དེ་དག་ཐམས་ཅད་ནི་ལས་ངན་པའི་དབང་གིས་གྲུབ་པ་ཞིག་སྟེ། དེའི་ཕྱིར་དེ་ན་གནས་པའི་མི་རྣམས་ནི་ལུས་ཆུང་བ་ཡིན་ནོ་ཞེས་བཤད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།