56300

མུ་སྟེགས་པའི་མི་རྟག་པའི་རྣམ་པ་བདུན་ (1)

Part of speech	མིང་ཚིག
Definition	ལང་གཤེགས་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོའི་མདོ་ལས་བྱུང་བ་སྟེ། དེ་དག་ཁ་ཅིག་འདི་སྐད་དུ་མངོན་པར་འདུས་བྱས་ནས། ཡོངས་སུ་སྤངས་པ་ནི་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་དབྱིབས་རྣམ་པར་འཇིག་པ་ནི་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་གཟུགས་ཉིད་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་གཟུགས་རྣམ་པར་འགྱུར་བའི་གནས་སྐབས་ནི་མི་རྟག་པ་ཉིད་ཅེས་བྱ་སྟེ། བར་ཆད་མེད་པར་རང་གི་ངང་གིས་འབེལ་ཞིང་འཇིག་པས། ཇི་ལྟར་འོ་མ་ལས་ཞོར་འགྱུར་བ་ལ་སོགས་པའི་བྱེ་བྲག་ཐ་དད་པ་མཐོང་བར་མི་ནུས་པ་དེ་བཞིན་དུ་དངོས་པོ་ཐམས་ཅད་ལའང་རྣམ་པར་འཇིག་པའི་མི་རྟག་པ་ཉིད་དོ་འཇུག་གོ་ཞེས་ཟེར་རོ། །ཁ་ཅིག་ནི་དངོས་པོ་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་དངོས་པོའི་དངོས་པོ་མེད་པ་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་ཆོས་ཐམས་ཅད་མི་སྐྱེ་བས་མི་རྟག་པ་ཉིད་དེ། ཆོས་ཐམས་ཅད་ཀྱི་ནང་དུ་འཇུག་པའོ་ཞེས་ཟེར་རོ། །
Domain	ཆོས་ལུགས།