56307

མུ་སྟེགས་བྱེད་ཀྱི་བདག་དང་དོན་དམ་བདེ་གཤེགས་སྙིང་པོའི་བདག་ (1)

Part of speech	མིང་ཚིག
Definition	མདོ། དབུ་མ། ཇོ་ནང་། མུ་སྟེགས་བྱེད་ཀྱི་བདག་དང་མི་མཚུངས་པའི་དོན་དམ་བདེ་གཤེགས་སྙིང་པོའི་བདག་གཉིས་ཀྱི་ཁྱད་པར་སྟེ། རི་ཆོས་ལས། དེ་ལ་བདེ་གཤེགས་སྙིང་པོ་བདག་གཉིས་ཀྱིས་སྟོང་པའི་ཕྱིར་མུ་སྟེགས་བྱེད་ཀྱི་བདག་དང་མི་མཚུངས་ཤིང་། ཆོས་ཉིད་འདུས་མ་བྱས་སྐད་ཅིག་ལས་འདས་པའི་ཕྱིར་རྟག་བརྟན་ཐེར་ཟུག་ཡིན་ཡང་སངས་རྒྱས་ཀྱི་ཡོན་ཏན་དང་ནུས་པ་དང་རྣམ་པ་འགའ་ཡང་མེད་པ་ནམ་མཁའ་ལྟ་བུའམ། མུ་སྟེགས་བྱེད་རྣམས་ཀྱི་གང་ཟག་གི་བདག་རྟག་པར་ཀུན་བརྟགས་པ་དང་ཡང་མི་མཚུངས་སོ། །དེ་བཞིན་དུ་བདེ་གཤེགས་སྙིང་པོ་ལ་ཚང་པའི་མཚན་དང་དཔེ་བྱད་རྣམས་ཀྱང་ཆོས་ཉིད་རྣམ་པ་ཐམས་ཅད་པ་དང་། ནུས་པ་ཐམས་ཅད་པ་དང་། དབང་པོ་ཐམས་ཅད་པ་དང་། ཡོན་ཏན་ཐམས་ཅད་པའི་ངོ་བོ་ཡིན་པའི་ཕྱིར། ཀུན་རྫོབ་གཟུགས་སྐུའི་མཚན་དཔེ་རྣམས་དང་མི་གཅིག་གོ །ཞེས་གསུངས་སོ། །
Domain	[ཆོས་ལུགས།, ལྟ་གྲུབ།]