56381

མུན་པའི་དྲི་བ་བཅོ་ལྔ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་གསང་བདག་གིས་སྟོན་པ་གསང་བའི་སྐུ་ལ་དྲིས་པའི་མུན་པ་ལས་འཕྲོས་པའི་དྲི་བ་བཅོ་ལྔ་སྟེ། གཟི་ལྡན་འཆར་ཁའི་འོད་སྣང་ལས། མུན་པ་འདི་ཉིད་རྒྱུ་ཅི་ལས་བྱུང་བ་ལགས། མུན་པ་འདིའི་རང་བཞིན་ཅི་ལྟ་བུ། མུན་པ་འདིའི་ངོ་བོ་གང་ཞིག་ཡིན། མུན་པ་འདིའི་མཚན་ཉིད་ཅི་ལྟ་བུ། མུན་པ་འདིའི་ཡན་ལག་གི་དབྱེ་བ་དུ། མུན་པ་འདིའི་རྩ་བ་གང་ཞིག་ཡིན། མུན་པ་འདི་ཇི་སྲིད་ཅིག་ཏུ་གནས། མུན་པ་འདིས་དོན་ཅི་ཞིག་ལ་སྒྲིབ། མུན་པ་འདིའི་བྱེ་བྲག་གི་རྣམ་གྲངས་དུ། མུན་པ་འདི་དཔེ་གང་དང་མཐུན། མུན་པ་འདི་གཞི་གང་དུ་འཐིབས། མུན་པ་འདི་ཐབས་གང་གིས་སེལ། མུན་པ་ཞེས་ངེས་ཚིག་ཅིའི་ཕྱིར་བགྱི། འདི་ཅིའི་ཕྱིར་འཐིབས་པ་ཡིན། འདི་ཉིད་རྩ་བ་གང་དུ་འདུས་ཞེས། དྲི་བ་བཅོ་ལྔ་པོ་འདི་ཉིད་དུས་ཀྱི་སྐད་ཅིག་འདི་རུ་ཡང་དག་པར་བཤད་དུ་གསོལ། ཞེས་གསུངས་པ་བཞིན་ནོ། །
Domain	ཆོས་ལུགས།