56795

མེར་ཀེན་ཆོས་རྗེ་ (1)

Part of speech

མིང་ཚིག

Definition

དུས་རབས་བཅོ་བརྒྱད་པའི་མགོའི་མི་ཡིན། ཛ་ཡ་པཎྜི་ཏ་བློ་བཟང་འཕྲིན་ལས་དཔལ་བཟང་པོ་བསྟེན། མདོ་སྔགས་རིག་གནས་ཀུན་ལ་སྦྱངས་བརྩོན་མཛད། གྲུབ་མཐའ་དགེ་ལུགས་ཡིན། གསུང་རྩོམ་ནི་སྡེ་སྣོད་སྣ་ཚོགས་ཀྱི་བརྒྱུད་འདེབས་དང་། བསླབ་བྱ་རིན་པོ་ཆེ་ཐར་བའི་འཇུག་ངོགས། བཅའ་ཡིག་ཐར་པའི་ཐེམ་སྐས། སྒྲོན་མེ་བརྟག་པ། བློ་སྦྱོང་དད་པའི་བསྐུལ་མ། རྟེན་འབྲེལ་མཐའ་དཔྱོད་བླང་དོར་གསལ་བའི་སྒྲོན་མེ། རི་བོ་རྩེ་ལྔའི་གནས་བསྟོད། བདེ་མཆོག་ལྷ་ལྔའི་སྒྲུབ་ཐབས་བཅས་ཆོས་ཚན་ཆིག་བརྒྱ་དོན་དགུ་ཡོད་པ་པོད་དྲུག་ཏུ་བསྡུས། མཚན་གཞན། བཀའ་འགྱུར་པ་པཀྵི་ནོ་མོན་ཧན། ཨེརྟི་ནི་མེར་ཀེན། བཀའ་འགྱུར་བ་བློ་བཟང་ཚུལ་ཁྲིམས།