57474

ཙནྡན་ཇོ་བོའི་ལུགས་ཀྱི་སྟོན་པའི་འདས་ལོ་ (1)

Part of speech	མིང་ཚིག
Definition	རབ་བྱུང་བཅུ་གཅིག་པའི་ལྕགས་མོ་བྱ་ལོའམ་ཕྱི་ལོ་ ༡༦༨༡ ལོར་དེ་སྔ་ཅི་ཙམ་འདས་པའི་ལོ་གྲངས་ནི་ ༢༤༣༠ འདས་པ་ཡིན་ཏེ། རྩིས་གཞུང་ཉིན་བྱེད་སྣང་བའི་རྣམ་འགྲེལ་གསེར་ཤིང་ལས། ཡང་སངས་རྒྱས་མྱ་ངན་ལས་འདས་ནས་ལོ་སྟོང་ལོན་པའི་ཚེ་ཙན་དན་གྱི་སྐུས་རྒྱ་ནག་ཏུ་འགྲོ་དོན་བྱེད་པར་ལུང་བསྟན་པ་ལ་བརྟེན་ནས། སེ་ཆེན་རྒྱལ་སར་ཕེབས་ནས་ལོ་ངོ་ཕྱེད་དང་གསུམ་འགྲོ་བ་ཆུ་མོ་ཕག་ལ་རྩིས་པས་མྱ་ངན་ལས་འདས་ནས་ཆུ་ཕག་ཡར་གཏོགས་པ་ཡན་ཆོད་ལ་ལོ་ཉིས་སྟོང་དང་བཅུ་གསུམ་ལོན་ཞེས་འབྱུང་ལ། དེའི་ཕྱི་ལོ་ཤིང་བྱི་ནས་ད་ལྟའི་ལྕགས་བྱ་འདི་ཡན་ལ་ལོ་བཞི་བརྒྱ་དང་བཅུ་བདུན་སོང་བའི་ཕྱིར། འདིའི་ལུགས་ཀྱིས་སྟོན་པ་མྱ་ངན་ལས་འདས་ནས་ལྕགས་བྱ་འདི་ཡན་ལ་ལོ་ཉིས་སྟོང་བཞི་བརྒྱ་དང་སུམ་ཅུ་ཐམ་པ་འདས་ཏེ་ཙན་དན་ཇོ་བོའི་ལོ་རྒྱུས་ཀྱི་ལུགས་སོ། །ཞེས་བྱུང་། དེས་ན་ཕྱི་ལོ་ ༡༦༨༡ ནས་ཕྱི་ལོ་ ༢༠༡༥ ལོའི་བར་ ༣༣༤ ཡི་བར་ཁྱད་ཡོད་པ་དེ་ལུགས་འདིར་བསྣན་ན་ད་ལྟ་རབ་བྱུང་བཅུ་བདུན་པ་ཤིང་མོ་ལུག་གི་ལོའམ་ཕྱི་ལོ་ ༢༠༡༥ ལོར་དེ་སྔ་ཡན་ཆད་ལ་སྟོན་པ་འདས་པའི་ལོ་གྲངས་ ༢༧༦༤ ལོངས་ཚར་བ་ཡིན་ནོ། །
Domain	རྩིས་རིག