5795

གག་ཚིལ་སྒོག་པའི་ལྟུང་བྱེད་ (1)

Part of speech	མིང་ཚིག
Definition	ནང་བསྟན་འདུལ་བའི་གཞུང་ལས་བཤད་པའི་ལྟུང་བྱེད་འབའ་ཞིག་པ་དགུ་བཅུའི་ནང་གསེས། གཞི་ལ་ཡུལ་དགེ་སློང་དྲུག་ལྡན་ལུས་མ་ཉམས་པ། རེག་བྱེད་བདག་ཉིད་ཀྱི་ལུས་མ་ཉམས་པ། ཀུན་སློང་སྐྱི་གཡའ་བར་བྱ་བའི་བསམ་པས་ག་ག་ཚིལ་བྱེད་འདོད་པ། སྦྱོར་བ་རྩོམ་པ་མཐའ་རེག་པའོ། །གང་བྱས་ན་ག་ག་ཚིལ་བྱེད་པའི་ལྟུང་བྱེད་དུ་འགྱུར་ཞེ་ན། དགེ་སློང་ལ་སོར་མོའམ་ཁུ་ཚུར་རམ། གྲུ་མོའམ། ཕྲག་པའམ། མགོའམ། གློའམ། རྒྱབ་བམ། རྐེད་པའམ། བརླའམ། པུས་མོའམ། བྱིན་པའམ། རྐང་པའི་མཐེ་བོ་ལ་སོགས་པ་དག་གིས་ལུས་ལ་རེག་ན་ལྟུང་བྱེད་དུ་འགྱུར་རོ། །ལུས་མིན་པས་ལུས་མིན་པ་ལ་རེག་པ་དང༌། སྐྲ་དང་སེན་མོ་དང་སོ་དག་གིས་རེག་པ་ལ་ནི་ཉེས་བྱས་སོ། །བསམ་པ་ཇི་ལྟ་བུས་ཤེ་ན། ཕ་རོལ་པོ་སྐྱི་གཡའ་བ་བག་འཁུམས་པར་བྱེད་པའི་སེམས་ཀྱིས་རེག་ནའོ། །སྐྱི་གཡའ་བར་བྱེད་པའི་སེམས་ཀྱིས་རེག་པ་ལ་ལྟུང་བར་འགྱུར་བ་དེའི་ཕྱིར། རྨ་དང་སྦྲང་བུ་དང་འབྲུམ་བུ་དང་རྨེ་པ་དང༌། སྤུའི་ཚུམས་བསྟན་པའི་ཕྱིར་རེག་པ་ལ་ནི་ལྟུང་བ་མེད་དོ། །གཉིས་པ་ཀུན་སློང་གི་སེལ་བ་ལ། ལྟུང་བ་གཅིག་ཏུ་བསྟན་པ་ནི། རེག་བྱེད་སོར་མོ་ལ་སོགས་པ་གཅིག་གམ་དུ་མ་ཉིད་ལ་ལྟུང་བ་གཅིག་ཁོ་ནར་འགྱུར་གྱི་རེག་བྱེད་རེ་རེ་ལ་ལྟུང་བ་ཐ་དད་དུ་འགྱུར་བ་མེད་དོ། །
Domain	ཆོས་ལུགས།