5822

གང་གིས་མངོན་སུམ་པར་ངེས་པར་འབྱུང་བའི་མདོ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་གསུངས་པའི་ངེས་པའི་གསང་སྒོ་འགྲོལ་བའི་མདོ་བཞིའི་ཡ་གྱལ་ཞིག་སྟེ། རྣལ་འབྱོར་གྱི་དབང་ཕྱུག་གམ་རྫོགས་པའི་སངས་རྒྱས་གང་སུ་ཞིག་གིས་དེ་དོན་མངོན་སུམ་དུ་གྱུར་ཏེ་ཡོངས་སུ་ཆུབ་པར་ངེས་པར་འབྱུང་བའི་ཕྱིར་མངོན་སུམ་པར་ངེས་པར་འབྱུང་བའི་མདོ་ཞེས་བྱ། དེའི་དོན་གཟི་ལྡན་འཆར་ཁའི་འོད་སྣང་ལས། དེ་བཞིན་གཤེགས་པ་གང་གིས་མངོན་སུམ་པར་སངས་རྒྱས་ཀྱི་སར་ངེས་པར་འབྱུང་བ་ཉིད་བཤད་པའི་རྗེས་སུ་བསྙད་པ་ནི་འདི་ལྟ༷་སྟེ། གང་སུ་ཞིག་གིས་མཐའ་གཉིས་དམིགས་སུ་མེད་པས་སྟོང་པ་ཉིད་ཆེན་པོའི་དོན་དེ་གོ་ཞིང་རང་རིག་བདེ་བ་ཆེན་པོར་གསལ་བར་ཤེས་པ་གང་གི་དུས་དེར་ནི་ཆོས་ཐམས་ཅད་ཀུན་དབང་པོའི་མངོན་སུམ་མམ་རང་རིག་པའི་མངོན་སུམ་དུ། ཇི་ལྟ་བ་དེ་ཁོ་ན་ཉིད་ཀྱི་སྟོང་པ་ཉིད་དུ་རང་ཤར་བར་ངེས་ཏེ་རང་གི་མཚན་ཉིད་རིག་པར་གསལ་བ་ལ་དམིགས་པའི་ཡུལ་དུ་བྱེད་པའི་ཕྲ་བའི་རྟོག་པའང་ཟད་ན་རགས་པ་དང་བྲལ་བ་ལྟ་ཅི་སྨོས་ཏེ། དེ་ལྟ་བུའི་སྐྱེས་ཆེན་ལ་རེ་དོགས་ཐམས་ཅད་དང་བྲལ་བའི་ཕྱིར་བག་ཚ་བ་གང་ཡང་མེད་དོ། །དེ་ལྟར་གསལ་བས་ཅིར་འགྱུར་ན། བདག་དང་ཆོས་ཐམས་ཅད་སྐྱེ་བ་མེད་པའི་རང་བཞིན་རྣམ་པའི་མཆོག་ཀུན་ལྡན་པའི་དེ་ཁོ་ན་ཉིད་ཀྱི་ངོ་བོར་མ་འདྲེས་ཡོངས་རྫོགས་སུ་མངོན་སུམ་པར་སངས་རྒྱས་པ་ཡིན་པས་རང་གསལ་ཉི་མའི་སྙིང་པོ་བཞིན་དུ་རྟོག་སྒྲིབ་བཙལ་གྱིས་མི་རྙེད་པ་ཉིད་དོ། །དེ་ཉིད་ཁོ་ན་མངོན་པར་རྫོགས་པར་སངས་རྒྱས་པ་ཉིད་དེ། ཨ་ནུའི་རང་ལུགས་སུ་རང་རིག་པའི་མངོན་སུམ་དུ་བཞེད་ཀྱང༌། རྫོགས་པ་ཆེན་པོ་ལྟར་ན་དབང་པོའི་མངོན་སུམ་དུ་ཡང་ངེས་པར་བཞེད་དོ། །ཞེས་གསུངས་པ་ལྟར་ཡིན།
Domain	ཆོས་ལུགས།

{{#arraymap:གང་གིས་མངོན་སུམ་པར་ངེས་པར་འབྱུང་བའི་མདོ་

|; |@@@ | | }}