58248

ཚད་མེད་བཞི་ (1)

Part of speech	མིང་ཚིག
Definition	མདོ། བྱམས་པ་ཚད་མེད། སྙིང་རྗེ་ཚད་མེད། དགའ་བ་ཚད་མེད། བཏང་སྙོམས་ཚད་མེད་དང་བཞི་ཡོད། ཚད་མེད་བཞི་པོ་དེ་རྒྱུའི་ཁྱད་པར་དང་ལྡན་ཏེ། རྒྱུའི་རྐྱེན་ཐེག་ཆེན་དུ་རིགས་སད་པ། བདག་རྐྱེན་དགེ་བའི་བཤེས་གཉེན་ལ་བརྟེན་པ། དེ་མ་ཐག་རྐྱེན་རང་གི་རིགས་འདྲ་སྔ་མ་ལས་བྱུང་བ། དམིགས་པ་སེམས་ཅན་ཚད་མེད་པ་ལ་དམིགས་པ་རྣམས་དང་ལྡན་པའི་ཕྱིར། བཞི་པོ་དེ་ལ་ཚད་མེད་པ་ཞེས་བརྗོད་པའི་རྒྱུ་མཚན་ཡོད་དེ། སེམས་ཅན་ཚད་མེད་པ་ལ་དམིགས་པར་བྱེད་པ་དང༌། ཆོས་ཚད་མེད་པ་ཐོས་པའི་རྒྱུ་བྱེད་པ་དང༌། ཚོགས་ཚད་མེད་པ་རྫོགས་པར་བྱེད་པ་དང༌། ཡེ་ཤེས་ཚད་མེད་པའི་སྤྱོད་ཡུལ་དུ་གྱུར་པའི་རྒྱུ་མཚན་གྱིས་དེ་ལྟར་དུ་བརྗོད་པའི་ཕྱིར། བཞི་པོ་དེ་ལ་ཚངས་པའི་གནས་པ་ཞེས་ཀྱང་བྱ་བ་ཡིན་ཏེ། དེ་དག་བསྒོམས་པ་ལ་བརྟེན་ནས་ཚངས་གནས་སུ་སྐྱེ་བར་འགྱུར་བའི་ཕྱིར་རོ། །གྲངས་ངེས། སྐབས་འདིར་བསྟན་པའི་ཚད་མེད་པ་དེ་ལ་བཞི་པོ་དེར་གྲངས་ངེས་པ་ཡིན་ཏེ། དེའི་མི་མཐུན་ཕྱོགས་ལ་གནོད་སེམས། གནོད་འཚེ། གཞན་བདེ་བ་ལ་མི་དགའ་བ། ཉེ་རིང་དུ་འཛིན་པ་དང་བཞིར་ངེས་ཤིང་བཞི་པོ་དེའི་གཉེན་པོར་ཚད་མེད་དེ་རྣམས་བཞག་པའི་ཕྱིར། བྱེད་ལས། ཚད་མེད་པ་བཞི་པོ་དེ་བྱེད་ལས་ཁྱད་པར་ཅན་དང་ལྡན་ཏེེ། དང་པོ་དེས་གཞན་བདེ་བ་ལ་སྦྱོར་བར་བྱེད། གཉིས་པ་དེས་སྡུག་བསྔལ་དང་བྲལ་བར་བྱེད། གསུམ་པ་དེས་སྲིད་པའི་རྒུད་པ་ལས་སྐྱོབ་པར་བྱེད། བཞི་པ་དེས་ཞི་བའི་རྒུད་པ་ལས་སྐྱོབ་པར་བྱེད་པའི་ཕྱིར། ས་མཚམས་ནི། ཚད་མེད་པ་བཞི། སྙིང་རྗེ་ཆེན་པོ། དམིགས་མེད་ལ་དམིགས་པའི་སྙིང་རྗེ་ཆེན་པོ་རྣམས་ལམ་མ་ཞུགས་ནས་སངས་རྒྱས་ཀྱི་སའི་བར་ན་ཡོད། ཚད་མེད་བཞི་པོ་དེ་འབྲས་བུ་ཁྱད་པར་ཅན་དང་ལྡན་ཏེ། དེ་རྣམས་བསྒོམས་པ་ལ་བརྟེན་ནས་ཚངས་གནས་ལ་སོགས་པ་རང་འདོད་པའི་གནས་སུ་སྐྱེ་བར་འབྱུང་བས་གནས་སྐབས་ཀྱི་འབྲས་བུ་ཁྱད་པར་ཅན་དང་ལྡན་ཅིང༌། རྣམ་པ་ཐམས་ཅན་མཁྱེན་པ་ཉིད་ཐོབ་པར་འགྱུར་བས་མཐར་ཐུག་གི་འབྲས་བུ་ཁྱད་པར་ཅན་དང་ཡང་ལྡན་པའི་ཕྱིར་ཏེ། དེ་ལྟར་ཡང་རྣམ་སྣང་མངོན་བྱང་གི་རྒྱུད་ལས། རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ནི། བྱང་ཆུབ་ཀྱི་སེམས་ཀྱི་རྒྱུ་ལས་བྱུང་བ་སྙིང་རྗེའི་རྩ་བ་ཅན་ཐབས་ཀྱི་མཐར་ཕྱིན་པའོ། །ཞེས་གསུངས་པའི་ཕྱིར། ཚད་མེད་བཞི་པོ་གང་གི་གཉེན་པོར་སྒོམ་པ་ཡང་ཡོད་དེ། རིམ་པ་བཞིན་དུ་གནོད་སེམས། རྣམ་འཚེ། མི་དགའ་བ། འདོད་ཆགས་ཏེ་བཞི་ཡི་གཉེན་པོར་བྱམས་སོགས་ཚད་མེད་བཞི་བསྒོམས་པར་གསུངས་པའི་ཕྱིར།
Domain	ཆོས་ལུགས།

{{#arraymap:ཚད་མེད་བཞི་

|; |@@@ | | }}