5844

གང་དུ་རྣམ་པར་བསྒྱུར་བའི་ཆོ་འཕྲུལ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། རྫུ་འཕྲུལ་གྱི་ཆོ་འཕྲུལ་གྱི་ནང་གསེས་ཤིག་སྟེ། ཞི་བའི་ཚུལ་དེ་ལས་གང་དུ་རྣམ་པར་བསྒྱུར་བའི་ཆོ་འཕྲུལ་གདུལ་བྱ་ལ་མི་མཐུན་པར་ཁྲོ་བོའི་ཚུལ་དུ་སྣང་བའི་ཕྱིར་རྣམ་པར་བསྒྱུར་བའི་ཆོ་འཕྲུལ་ཞེས་བྱ། དེའི་ཚུལ་གཟི་ལྡན་འཆར་ཁའི་འོད་སྣང་ལས། གང་དུ་དེ་ཉིད་ཀྱིས་མི་འདུལ་བའི་གདུལ་བྱའི་ངོ་ལ་སྣང་བའི་ཕྲིན་ལས་སྔ་མ་ཞི་བ་ལས་ཕྱི་མ་ཁྲོ་བོའི་རྣམ་པར་བསྒྱུར་བའི་ཆོ་འཕྲུལ་ནི། འདི་ལྟ༷་སྟེ། ལམ་པའི་དབང་དུ་འཛིན་པ་གཞིལ་དཀའ་ལ་ཚན་ཏེ་ཞིང་འཐུག་པའི་ཕྱིར་རྣམ་པར་རྟོག་པའི་རི་བོ་བཅུའོ། །བཅུ་གང་ཞེ་ན། འདི་ལྟ༷་སྟེ། ཡང་དག་པའི་ས་ལ་སྦྱོར་བའི་ཕྱིར་སྦྱོར་བའི་རྟོག་པ་དང༌། ངོ་བོ་མི་ཕྱེད་པའི་ཕྱིར་ཞེན་པའི་རྟོག་པ་དང༌། ཕྱི་མོའི་ངོ་བོ་ཐ་མི་དད་པར་ངེས་པར་ཟིན་པའི་ཕྱིར་དངོས་གཞིའི་རྟོག་པ་དང༌། སྐུ་ཕྱག་རྒྱར་སྣང་བའི་ཕྱིར་སྐྱེད་པའི་རྟོག་པ་དང༌། བར་དུ་གཅོད་པ་བདུད་འཇོམས་པའི་ཕྱིར་རྐྱེན་གྱི་རྟོག་པ་དང༌། གང་རྐྱེན་དུ་འཚམས་པས་འདུལ་བའི་ཕྱིར་ལས་ཀྱི་རྟོག་པ་དང༌། ཡོན་ཏན་མཚོན་པར་འབྱུང་བའི་ཕྱིར་མཚན་མའི་རྟོག་པ་དང༌། གདུལ་བྱ་ལ་མངོན་པར་སྣང་བའི་ཕྱིར་མངོན་པའི་རྟོག་པ་དང༌། མཛད་པ་མི་འགོག་པར་མཛད་པའི་ཕྱིར་སྤྱོད་པའི་རྟོག་པ་དང༌། ནང་གི་དོན་ཕྱི་རུ་སྣང་བའི་ཕྱིར་རྟགས་ཀྱི་རྟོག་པ་སྟེ་གཏན་ཚིགས་རྣམས་ཀྱིས་ཕྱོགས་ཙམ་དུ་བསྟན་པའོ། །ཞེས་གསུངས།
Domain	ཆོས་ལུགས།