58443

ཚིག་དོན་མཐུན་པའི་གཏན་ཚིགས་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ཚིག་དོན་མཐུན་པའི་གཏན་ཚིགས་ནི། མ་ཧཱ་ཡོ་གའི་ལྟ་བ་གཏན་ལ་འབེབས་པར་བྱེད་པའི་གཏན་ཚིགས་ཀྱི་བྱེ་བྲག་ཅིག་སྟེ། ཐེག་དགུ་སྤྱི་ཆིངས་ཀྱི་འགྲེལ་བཤད་ཉི་མའི་འོད་ཟེར་ལས། ཐེག་པ་འདིའི་ལུགས་ཀྱི་ལྟ་བ་གཏན་ཚིགས་ཀྱིས་གཏན་ལ་འབེབས་པར་བྱེད་པ་ལ། སྔོན་བྱུང་དངོས་པོ་ལྔའི་གཏན་ཚིགས། རྗེས་འཇུག་ཚུལ་ལྔ་དང་། ཚིག་གི་གཏན་ཚིགས་ཚིག་ལ་དཔྱད་དུ་ཡོད་པས་གོ་བ་དང་དཔྱད་དུ་མེད་པས་གོ་བ་གཉིས། དཔྱད་དུ་ཡོད་པས་གོ་བ་ལ་ཚིག་དོན་མཐུན་པ་དང་མི་མཐུན་པ་གཉིས། ཞེས་དང་། ཚིག་དོན་མཐུན་པའི་གཏན་ཚིགས་ལ། ཚད་མ་བཀའ་གཞུང་གི་གཏན་ཚིགས། སྒྲ་མཐུན་དོན་དཔག་གི་གཏན་ཚིགས། གཅིག་དང་དུ་བྲལ་གྱི་གཏན་ཚིགས། བདག་ཉིད་ཆེན་པོའི་གཏན་ཚིགས་སོ། །ཞེས་གསུངས།
Domain	ཆོས་ལུགས།