58836

ཚུལ་བཞི་ཡན་ལག་བཅོ་ལྔ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ཚུལ་བཞི་ཡན་ལག་བཅོ་ལྔ་ནི། དཀོན་ཅོག་འགྲེལ་ལས། གཞི་དང་ལམ་དང་འབྲས་བུ་བསྟན་པ་རྣམས་ཀྱི་ཡན་ལག་གི་སྒོ་ནས་གྲུབ་པའི་མཐའ་སྤྱི་ལ་འཇུག་པའི་ཚུལ་བཤད་པ་དང་། རྒྱུད་ཀྱི་སྐབས་རྣམས་ཀྱིས་བསྟན་པར་བྱ་བའི་དངོས་པོ་དང་བསླབ་པའི་གཞི་ཐུན་མོང་དང་ཁྱད་པར་གྱི་བྱེ་བྲག་དང་བཤད་ལུགས་རྣམས་ཀྱི་ཡན་ལག་གི་སྒོ་ནས་རྒྱུད་སྤྱི་ལ་འཇུག་པའི་ཚུལ་བཤད་པ་དང་། ཁོག་དབུབ་པ་དང་། ཆེ་བ་དང་། བབས་དང་། འབྲུའི་དོན་རྣམས་ཀྱི་ཡན་ལག་གི་སྒོ་ནས་གཞུང་ཉིད་ལ་འཇུག་པའི་ཚུལ་བཤད་པ་དང་། དཀྱིལ་འཁོར་རྣམ་པ་གཉིས་ལ་བརྟེན་ནས་འཇུག་པའི་སྤྱོད་པར་གཏོགས་པ་སློབ་དཔོན་གྱི་ལས་སུ་གྲགས་པ་དབང་དང་དམ་ཚིག་སྦྱིན་པའི་ཆོ་ག་ཇི་ལྟར་བྱ་བའི་རིམ་པ་བསྟན་པ་དང་། དེ་བཞིན་དུ་དཀྱིལ་འཁོར་གཉིས་ལ་བརྟེན་ནས་སྒྲུབ་པའི་སྤྱོད་པར་གཏོགས་པ་རྣལ་འབྱོར་སྤྱིའི་བྱ་བར་གསུངས་པ་བསྙེན་སྒྲུབ་ཀྱི་སྒོ་ནས་ཐུན་མོང་དང་མཆོག་གི་དངོས་གྲུབ་བསྒྲུབ་པའི་ཐབས་ཀྱི་བྱ་བའི་རིམ་པ་དང་། དེ་བཞིན་དུ་གྲུབ་པའི་སྤྱོད་པར་གཏོགས་པ་ལས་རྣམ་པ་བཞི་ཇི་ལྟར་བསྒྲུབ་པའི་ཡན་ལག་གི་སྒོ་ནས་བྱ་བའི་ཆོ་གའི་རིམ་པར་གཏོགས་པའི་ཚུལ་བཤད་པ་སྟེ། དེ་ལྟར་ན་ཚུལ་བཞི་ཡན་ལག་བཅོ་ལྔའི་སྒོ་ནས་ལུང་གི་སྤྱི་འཕྲོ་བའི་གཞི་འབྲས་བུའི་མཆོག་ལེགས་པར་བསྟན་པ་ཡིན་ནོ། །ཞེས་གསུངས།
Domain	ཆོས་ལུགས།