5887

གང་ཟག་གི་བདག་མེད་ (1)

Part of speech	མིང་ཚིག
Definition	མདོ། གང་ཟག་གི་བདག་ནི་ཕུང་པོ་ལ་བརྟེན་པས་ལྷན་སྐྱེས་ཀྱི་ངར་འཛིན་གྱི་བློས་བདག་གོ་ཞེས་བཏགས་པའོ། །བརྟེན་ནས་འདོགས་པའི་ཚུལ་ཡང་། འགའ་ཞིག་སློབ་དཔོན་ཟླ་བ་འདིས། ཕུང་པོ་གདགས་གཞིར་བཟུང་ནས་དེ་ལ་བདག་ཏུ་འདོགས་ཞེས་སྨྲ་བ་ནི། ཕུང་པོ་ལ་བརྟེན་ནས་འདོགས་ཞེས་པའི་ཚིག་གི་ནུས་པ་ཁོང་དུ་མ་ཆུད་པར་ཟད་དོ། །དེས་ན་བརྟེན་ནས་འདོགས་ཞེས་པའི་དོན་ནི། ཐོག་མར་ཕུང་པོ་བློ་ཡུལ་དུ་བྱས་ནས་བདག་ཏུ་རྟོག་པའི་བློ་སྐྱེ་བ་ཡིན་ལ། བདག་འཛིན་ནི་ནམ་མཁའ་ལ་སྐྲ་ཤད་སྣང་བ་ལྟར་གཞི་མེད་ལ་བདག་གོ་ཞེས་བཟུང་བའི་ཡུལ་ལ་གང་ཟག་གི་བདག་ཅེས་འདོགས་ལ། དེ་ངོ་བོ་ཉིད་ཀྱིས་སྟོང་པ་ལ་གང་ཟག་གི་བདག་མེད་ཅེས་བརྗོད་དོ། །ཞེས་ཀུན་མཁྱེན་རོང་སྟོན་གྱིས་དབུ་མ་རིགས་ཚོགས་དཀའ་གནད་ལས་གསུངས་སོ། ། ཆོས་ཅན་རྣམ་སྨིན་གྱི་ཕུང་པའི་སྟེང་དུ་དགག་བྱ་བདག་དང་སེམས་ཅན་དང་གང་ཟག་ལ་སོགས་པ་བཀག་ཙམ་གྱིས་མེད་པར་དགག་པ་ནི་གང་ཟག་གི་བདག་མེད་པའི་དོན་ཏོ། །ངར་འཛིན་ལྷན་སྐྱེས་ཀྱི་འཛིན་སྟངས་ཀྱི་གཟུང་བྱ་དེ་ཉིད་ཕུང་པོའི་སྟེང་ན་ཇི་ལྟར་ཡོད་པའི་ཚུལ་འཚོལ་བྱེད་ཀྱི་རིགས་པ་རྣམ་པ་ལྔའམ་བདུན་གྱིས་བཙལ་བ་ན་གང་དུ་ཡང་མ་རྙེད་པ་དེ་ཉིད་ལ་གང་ཟག་གི་བདག་མེད་པའི་གོ་དོན་དུ་འཇོག་པ་ཡིན་ཏེ། དཔེར་ན་ཤིང་རྟའོ་སྙམ་པའི་བློ་ལྷན་སྐྱེས་ཀྱི་འཛིིན་སྟངས་ཀྱི་གཟུང་བྱ་དེ་ཉིད་ཤིང་རྟའི་ཡན་ལག་ལ་ཇི་ལྟར་ཡོད་པ་འཚོལ་བྱེད་ཀྱི་རིགས་པ་རྣམ་པ་བདུན་གྱིས་བཙལ་བ་ན། གང་དུ་ཡང་མ་རྙེད་པ་དེ་ལ་ཤིང་རྟ་རང་བཞིན་མེད་པའི་དོན་དུ་འཇོག་པ་བཞིན་ནོ་ཞེས་པཎ་ཆེན་ཤཱཀ་མཆོག་གིས་དབུ་མ་རྣམ་ངེས་ལས་གསུངས་སོ། །
Domain	ཆོས་ལུགས།

གང་ཟག་གི་བདག་མེད་ (2)

Part of speech	མིང་ཚིག
Definition	བདག་མེད་གཉིས་ཀྱི་ཡ་གྱལ། རང་རྒྱུད་ཀྱིས་བསྡུས་པའི་ཕུང་པོ་བདེན་པར་མ་གྲུབ་པ།