59328

ཚོགས་ལམ་ (1)

Part of speech	མིང་ཚིག
Definition	མདོ། ལམ་ལྔའི་ཡ་གྱལ། མྱ་ངན་ལས་འདས་པར་བགྲོད་པའི་གཞི་གང་ཞིག་ཐར་པ་ཆ་མཐུན་གྱི་དགེ་བས་བསྡུས་པའི་ཚོགས་རྒྱ་ཆེན་པོ་གསོག་པར་བྱེད་ཅིང༌། བདག་མེད་ཐོས་བསམ་གྱི་སྒོ་ནས་སྒྲ་སྤྱི་དང་དོན་སྤྱིའི་ཚུལ་དུ་རྟོགས་པ་དང༌། དྲན་པ་ཉེར་བཞག་བཞི་དང༌། ཡང་དག་སྤོང་བ་བཞི། རྫུ་འཕྲུལ་རྐང་པ་བཞི་བཅས་བསྒོམས་པས། སྤང་བྱ་ཤིན་ཏུ་རགས་པ་འཁོར་བར་སྡུག་བསྔལ་སྐྱེད་བྱེད་རྣམས་རྣམ་པར་སུན་འབྱིན་པའི་ཚུལ་གྱིས་སྤོང་ཞིང༌། སྤྱན་དང༌། མངོན་ཤེས། ཆོས་རྒྱུན་གྱི་ཏིང་ངེ་འཛིན་གྱི་ཡོན་ཏན་ཐོབ་པར་བྱེད་པའི་ལམ་མོ། །
Domain	ཆོས་ལུགས།

{{#arraymap:ཚོགས་ལམ་

|; |@@@ | | }}

ཚོགས་ལམ་ (2)

Part of speech

མིང་ཚིག

Definition

མཚན་ཉིད་ནི། རྣམ་གྲོལ་ལ་འཇུག་པའི་སྒོ་སྦྱོར་ལམ་གྱི་སྔ་རོལ་ཏུ་བྱུང་པའི་དགེ་བའི་ཚོགས་སོ། །མཚན་གཞི་ནི་ཁྱད་པར་ཅན་དང་ཕལ་པ་གཉིས་ལས་དང་པོ་ནི་ཐར་པ་ཆ་མཐུན་ཏེ་འོག་ནས་འཆད་པར་འགྱུར་རོ། །གཉིས་པ་ནི་ལས་དང་པོ་པས་ཐར་པར་བསྔོས་པའི་སྒོ་གསུམ་གྱི་ལས་དགེ་བ་ཐམས་ཅད་ཡིན་ནོ། །ཁྱད་པར་གྱི་ཆོས་ལ་ལྔ་ལས་རྟོགས་པའི་ཁྱད་པར་ནི་ཐོས་བསམ་གྱི་ཤེས་རབ་ཀྱིས་ཆོས་ཐམས་ཅད་བདག་མེད་པའི་སྤྱིའི་ཚུལ་དུ་རྟོགས་པའོ། །ཁ་ཅིག་ན་རེ་སྒོམ་བྱུང་གིས་རྟོགས་པའང་ཡོད་དེ། ཀུན་ལས་བཏུས་ལས། བསྒོམས་པ་ལས་བྱུང་བའི་ཤེས་རབ་ཀྱང་རུང་སྟེ་ཞེས་པ་བཤད་པའི་ཕྱིར་རོ་ཞེས་འཆད་དོ། །སྤངས་པའི་ཁྱད་པར་ནི་ཉོན་མོངས་པ་ལ་དགྲར་ལྟ་བའི་སྒོ་ནས་སུན་འབྱིན་པར་བྱེད་དོ། །ཡོན་ཏན་ནི་སྤངས་རྟོགས་ཀྱི་ཆོས་དེ་དག་དང་། གཞན་ཡང་ཟག་བཅས་ཀྱི་མངོན་པར་ཤེས་པ་དག་ཀྱང་ཅི་རིགས་པ་ཡོད་དོ། །སྒྲ་དོན་ནི་ཐར་པར་འཇུག་པའི་ཚོགས་སྒྲུབ་པའི་ཕྱིར་ཚོགས་ཀྱི་ལམ་མོ། །ལུས་རྟེན་ནི་ཁ་ཅིག་གླིང་གསུམ་གྱི་སྐྱེས་པ་དང་བུད་མེད་ཀྱི་རྟེན་ལ་སྐྱེའོ་ཞེས་ཟེར་རོ། །འོན་ཀྱང་ཀླུ་ལ་སོགས་པ་ལའང་སྐྱབས་སུ་འགྲོ་བ་ཡོད་པར་བཤད་ལ་འདོད་གཟུགས་ན་སྤྱོད་པའི་ལྷ་ཡི་བུ་རྣམས་ལའང་ཚོགས་ལམ་སྐྱེ་བ་ལ་འགལ་བ་མེད་པའི་ཕྱིར་དེ་དག་ཀྱང་རྟེན་དུ་རུང་ངོ་། །གཟུགས་མེད་པ་དང་བྱང་གི་སྒྲ་མི་སྙན་པ་ལ་ནི་མ་ཡིན་ཏེ། སྐྱེས་བུ་དམ་པ་ལ་ཡང་དག་པར་གདམས་པ་ནོད་པ་མེད་པའི་ཕྱིར་རོ། །དམྱལ་བ་ནི་སྡུག་བསྔལ་གྱིས་རྣམ་པར་གཡེངས་པས་སྐབས་མི་རྙེད་པའི་ཕྱིར་ཐར་པའི་ལམ་མི་སྐྱེ་བ་ཁོ་ན་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །

{{#arraymap:ཚོགས་ལམ་

|; |@@@ | | }}