5964

གང་ཡོངས་སུ་རྫོགས་པའི་ལེའུ་ (1)

Part of speech	མིང་ཚིག
Definition	རྙིང་མ། མདོ་དགོངས་པ་འདུས་པའི་ལེའུ་བཅུ་དགུ་པ་ཡིན། ལེའུ་འདི་རྒྱུད་དེའི་བཤད་རྒྱུད་དུ་གཏོགས་ཤིང་། ནང་དོན་ལ་བྱུང་ཚུལ་བཅུ་གཉིས་ཀྱི་ལྔ་པ་དགོངས་པ་ངེས་པར་འགྲེལ་བའི་བྱུང་ཚུལ་ལས། རྗེས་སུ་བསྟན་པའི་ཆོ་འཕྲུལ་བསྟན་པ་དེར་ཡེ་ཤེས་ལྔར་བསྟན་པ་དང། ཐིག་ལེ་དྲུག་ཏུ་བསྟན་པ་དང། ཆེ་བ་ལྔར་བསྟན་པ་དང། བསྙེན་བསྒྲུབ་བཞིར་བསྟན་པ་དང། གསང་བའི་རྒྱུད་དྲུག་དང༌། ཐེག་པ་རིམ་པ་དགུ་དང༌། བཀའ་རྟགས་ཀྱི་ཕྱག་རྒྱ་བཞི་བཅས་བསྟན། རྒྱུད་ཆེན་པོ་འདིའི་ལུགས་ལ་ཆོས་ཉིད་བརྒྱུད་ནས་སྟོན་པ་དང་ཅར་ཕོག་ཏུ་སྟོན་པ་ལ་དྲང་དོན་ངེས་དོན་དུ་བྱས་པར་ལེའུ་འདིས་ངེས་དོན་སྟོན་ཞེས་གཟི་ལྡན་འཆར་ཁའི་འོད་སྣང་དུ་གསལ།
Domain	ཆོས་ལུགས།