5979

གང་ལྟར་མཛེས་པས་འདུལ་བ་ལ་དགོངས་པའི་ཆོ་འཕྲུལ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། གང་སྣང་བར་མཛད་པའི་ཆོ་འཕྲུལ་གྱི་ནང་གསེས་ཤིག་སྟེ། ལྷའི་རྒྱན་ཆ་དག་གི་མཚོན་དོན་སྟོན་པ་སྟེ། མདོ་དགོངས་པ་འདུས་པ་ལས། ལང་ཀའི་བདག་པོ་གང་ལྟར་མཛེས་པས་འདུལ་བར་དགོངས་པའི་ཆོ་འཕྲུལ་ནི་འདི་ལྟ་སྟེ། ཆོས་རྣམ་པར་འབྱེད་པ་དང༌། དགའ་བ་དང་ཤིན་ཏུ་སྦྱངས་པ་དང༌། ཏིང་ངེ་འཛིན་དང༌། དྲན་པ་དང༌། བཏང་སྙོམས་དང༌། བརྩོན་འགྲུས་ཀྱིས་མཛེས་པའི་ཕྱིར་རྒྱན་ཆེན་པོས་རྣམ་པར་བཀོད་པར་དགོངས་པའོ། །ལང་ཀའི་བདག་པོ་གཞན་ཡང་སྐུ་དང༌། གསུང་དང༌། ཐུགས་དང༌། ཡོན་ཏན་དང༌། ཕྲིན་ལས་ཀྱིས་བསྒྱིངས་པའི་ཕྱིར་ཆ་ལུགས་ཆེན་པོས་བརྗིད་པར་དགོངས་པའོ། །ལང་ཀའི་བདག་པོ་གཞན་ཡང་མཚན་གྱི་མེ་ཏོག་གིས་མཛེས་ཤིང་དཔེ་བྱད་ཀྱི་འབྲས་བུས་སྤྲས་པའི་ཕྱིར་སྲས་ཀྱི་ཚོགས་ཀྱིས་ཀུན་ནས་བརྒྱན་པའོ། །ལང་ཀའི་བདག་པོ་གཞན་ཡང་ཏིང་ངེ་འཛིན་དང༌། རྩོལ་བ་དང༌། ངག་དང༌། རྟོག་པ་དང༌། ལས་ཀྱི་མཐའ་དང༌། ལྟ་བ་དང༌། འཚོ་བ་དང་དྲན་པས་འཁྱིལ་བའི་ཕྱིར་བཀྲ་ཤིས་འཁྱིལ་པས་འབར་བར་དགོངས་པའོ། །ཞེས་པ་ལྟར་བྱང་ཆུབ་ཀྱི་ཡན་ལག་གི་རྒྱན་ཆ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྒྱན་ཆ། མཚན་དང་དཔེ་བྱད་ཀྱི་རྒྱན་ཆ། ལམ་གྱི་ཡན་ལག་བཀྲ་ཤིས་རྫས་བརྒྱད་ཀྱི་རྒྱན་ཆ་བཅས་སྟོན་པ་ཡིན།
Domain	ཆོས་ལུགས།