59933

ཝ་མོ་ (1)

Part of speech	མིང་ཚིག
Definition	སྲོག་ཆགས་ཝའམ་ཝ་སྐྱེས་ཀྱི་མིང་སྟེ། གཟུགས་དབྱིབས་སྤྱང་ཀི་དང་འདྲ་ཞིང་དེ་ལས་ཅུང་ཟད་ཕྲ་ལ་ཆུང་ཞིང་རིང་བ་དང༌། འགྲམ་པ་དོག་ཅིང་མཐུ་ཏོ་རིང་བའི་མཐའ་རྣམས་ནག་པ། རྣ་བ་གཉིས་ཁྱི་ལྟར་ཆེ་ཞིང་མཇུག་མ་རིང་ལ་སུག་བཞི་ཐུང་བར་སྡེར་མོ་ལྡན་པ། ལུས་ཀྱི་རྒྱབ་གཞུང་དང་སྡེའི་སྤུའམ་གྲ་དམར་སེར་ལ་སྤུ་རྩ་ཁམ་སྐྱ་ཡིན་པ། རྩིབ་ལོགས་ཀྱི་སྤུ་སྐྱ་ལ་འཇམ་པ། མཇུག་མའི་སྤུ་ཡང་དམར་སེར་མཐུག་ཅིང་རིང་བའི་བར་གསེང་དུ་སྤུ་ནག་པོ་འདྲེས་ཤིང་མཇུག་རྩེ་དང་རྣ་རྩེའི་སྤུ་ནག་པོ་ཡིན་པ། རྐང་ལག་བཞིའི་ཕྱི་ངོས་ཀྱི་སྤུ་དམར་སེར་དང་ནང་ངོས་དང་གསུས་པའི་སྤུ་དཀར་པོ་ལ་ནག་པོའི་ཐིག་ཡོད་པའོ། །རྒྱུན་དུ་འཚོ་གནས་བྱེད་ཡུལ་ངེས་པ་མེད་ཅིང༌། ནགས་ཚལ་དང༌། རི་མ་ཐང༌། རྩྭ་ཐང༌། ཞིང་གསེབ་བཅས་སུ་ཡིན་ཞིང༌། ཉིན་མོ་ཡིབ་ནས་སྡོད་པ་དང་མཚན་མོ་གང་སར་རྒྱུ་སྟེ་སྐད་འབྱིན་པ། གཡོ་སྒྱུ་ཆེ་ལ་སྣ་རྫི་དང་རྣ་བ་གསང་ཞིང་བང་རྩལ་མགྱོགས་པ། ཟས་སུ་གཙོ་བོ་བྱ་རིགས་དང༌། སྲིན་འབུའི་རིགས། དེ་བཞིན་ཤིང་འབྲས་དང་ཁྱིམ་བྱ་ཡང་ཟ་ཡི་ཡོད། ཟླ་བ་དང་པོ་ཙམ་ལ་འཁྲིག་སྦྱོར་བྱེད་ཅིང་མངལ་སྦྲུམ་ཡུན་ཚད་ཟླ་བ་གཉིས་ཙམ་ཡིན་ལ། བཙའ་ཐེངས་རེར་ཕྲུ་གུ་བཞི་ལྔ་ཙམ་བཙའ་བའོ། །
Keyword	True

{{#arraymap:ཝ་མོ་

|; |@@@ | | }}