59942

ཝ་ཡི་བརྟུལ་ཞུགས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་གསུངས་པའི་ཐབས་འཛུད་བསྲེ་བའི་སྤྱོད་པའི་ཁོངས་གཏོགས་བརྟུལ་ཞུགས་ཀྱི་སྤྱོད་པ་ཉེར་གསུམ་གྱི་ནང་གསེས་ཤིག་སྟེ། གདུལ་བྱའི་དོན་དུ་རྣམ་པ་ཕྱི་རོལ་པའི་ཝ་ཡི་བརྟུལ་ཞུགས་དང་རྗེས་མཐུན་དུ་སྤྱད་ནས་དོན་ལ་གསང་བ་མཆོག་གི་ལམ་ལ་དྲང་བའི་ཐབས་མཁས་ཀྱི་སྤྱོད་ཚུལ་ཞིག བཤད་རྒྱུད་སྒྱུ་འཕྲུལ་རྔམ་གློག་ལས། ཝ་ཡི་བརྟུལ་ཞུགས་ཆེན་པོ་ཡིས། །སྤང་བར་བྱ་བའི་ཐབས་སུ་སྤྱད། །ཅེས་དང་། གཟི་ལྡན་འཆར་ཁའི་འོད་སྣང་ལས། ཐོག་མར་ཝ་ཡི་བརྟུལ་ཞུགས་ནི་སྲོག་ལ་བབ་ན་རང་གི་ལག་པའང་བཅད་དེ་འབྲོས་པ་སྟེ། དེ་བཞིན་དུ་རྣལ་འབྱོར་མཆོག་གིས་བླ་མ་དང་མཆེད་ཀྱི་ནང་དུ་སྲོག་ལ་བབ་ཀྱང་མི་འདའ་བར་བསྲུང་ཞིང་སྐྱོན་སྤང་བའི་ཚུལ་གྱིས་བསྲུང་བྱ་ལ་འཛེམ་པའི་བརྟུལ་ཞུགས་ཏེ། འོ་ན་དེ་ཉིད་བཤད་པའི་ལོག་སྲེད་ཅན་གྱི་སྤྱོད་པར་འགྱུར་རམ་ཞེ་ན། མུ་སྟེགས་པ་དག་ནི་ཝ་དང་ཅང་ཤེས་ལ་སོགས་པ་ལས་མཐོ་རིས་སུ་འགྲོ་བ་མངོན་པར་ཤེས་པས་མཐོང་ནས་རྒྱུ་དངོས་མ་ཤེས་པ་དེ་དག་གི་སྤྱོད་པའི་དངོས་པོར་གྱུར་སྙམ་ནས་སེམས་ཅན་དེ་དག་གི་སྤྱོད་པ་ཅི་འདྲ་བར་སྤྱོད་པའི་ལོག་པའི་བརྟུལ་ཞུགས་ཅན་དག་སྟེ། འདིར་རྣལ་འབྱོར་ཆེན་པོ་བས་ཀྱང་བསྲུང་བའི་དཔེར་ཡང་འགྱུར་ལ། སྤྱོད་པ་དངོས་མཐུན་པར་སྤྱད་པས་དྲང་བའང་ཡིན་ཏེ། ཞེས་གསུངས།
Domain	ཆོས་ལུགས།