60225

ཞབས་དྲུང་གདུང་སྲས་དང་པོ་ངག་དབང་འཇམ་དཔལ་རྡོ་རྗེ་ (1)

Part of speech

མིང་ཚིག

Definition

ལྷོ་འབྲུག་གི་གདན་ས་གསང་སྔགས་ཟབ་དོན་ཕོ་བྲང་དུ། ཡབ་ཀྱི་ལོ་སོ་བརྒྱད་བཞེས་པ། རབ་བྱུང་བཅུ་གཅིག་པའི་ལྕགས་ལུག་ ༡༦༣༡ ལོར་འཁྲུངས། ཡོངས་འཛིན་རྗེ་དྲུང་པ་དམ་ཆོས་རྒྱལ་མཚན་ལ་བཅོལ་ཏེ། གསན་བསམ་མཛད། དགུང་ལོ་བརྒྱད་ནས་ཡབ་ལས་གདམས་པའི་བདུད་རྩི་བཞེས་ནས། གདན་ས་ལྕགས་རིར་སྐུ་ཚེ་སྒྲུབ་ལ་བསྐྱལ་བས། ཕྱག་རྒྱ་ཆེན་པོའི་གནས་ལུགས་གཟིགས། གདུང་འཛིན་དགོས་ཚུལ་ནན་གྱིས་གསོལ་བའི་ངོར། ས་སྐྱ་ཀླུ་སྡིངས་པའི་དབོན་མོ་ཞིག་བསུས་ཀྱང༌། སྲས་མོ་ཞིག་ལས་མ་འཁྲུངས་པས། དེ་ནས་བཟུང་འབྲུག་པའི་གདུང་རྒྱུད་མ་འཕེལ། དགུང་གྲངས་ང་གཅིག་པ་ལྕགས་བྱ་ ༡༦༨༡ ལོར་ཞི་བར་གཤེགས་སོ། །དེ་ནས་ཡང་སྲིད་ཀུན་དགའ་རྒྱལ་མཚན་སོགས་བྱོན་པའོ། །

{{#arraymap:ཞབས་དྲུང་གདུང་སྲས་དང་པོ་ངག་དབང་འཇམ་དཔལ་རྡོ་རྗེ་

|; |@@@ | | }}