60754

ཞིང་སྦྱངས་པའི་ཚད་ (1)

Part of speech	མིང་ཚིག
Definition	མདོ། ཕར་ཕྱིན། རང་ཉིད་སངས་རྒྱས་པའི་ཞིང་དེ་གསེར་གྱི་ས་གཞི་ལ་སོགས་པར་སྣང་བ་ནི་སངས་རྒྱས་ཀྱི་ཞིང་ཡོངས་སུ་སྦྱངས་པའོ། །ཞེས་གཡག་སྟོན་གྱི་ཤེར་འགྲེལ་རིན་དབང་རྒྱལ་པོ་ལས་སོ། ། རང་ཉིད་མངོན་པར་རྫོགས་པར་སངས་རྒྱས་པའི་ཞིང་ཕ་རོལ་ཏུ་ཕྱིན་པ་དྲུག་ཉམས་སུ་བླངས་པའི་མཐུས་རང་སྣང་ལ་སྣོད་བཅུད་ཀྱི་ཉེས་པ་དང་བྲལ་བར་སྣང་བའོ། །གདུལ་བྱ་གཞན་ལ་དེ་ལྟར་མི་སྣང་བ་ནི་གཞན་གྱིས་ཞིང་ཡོངས་སུ་མ་སྦྱངས་པས་ན་མི་སྣང་བ་ཡིན་ནོ། །འགའ་ཞིག་ཏུ་སངས་རྒྱས་དང་གདུལ་བྱ་གཉིས་ཀ་ལ་ཞིང་ཡོངས་སུ་དག་པར་སྣང་སྟེ། འོད་དཔག་མེད་ཀྱི་ཞིང་ཁམས་བཞིན་ནོ། །དེ་ནི་འཁོར་ཡོངས་སུ་དག་མ་དག་གི་བྱེ་བྲག་གིས་ཡིན་ནོ་ཞེས་ཀུན་མཁྱེན་རོང་སྟོན་ཆེན་པོས་ཟབ་དོན་གནད་ཀྱི་ཟླ་འོད་ལས་གསུངས་སོ། ། རང་སྣང་ལ་སྣོད་བཅུད་ཐམས་ཅད་དག་པ་རབ་འབྱམས་འབའ་ཞིག་ཏུ་འཆར་བ་སྟེ། ཞིང་དག་སྦྱོར་གྱི་ནུས་པ་མཐཪ་ཐུག་པའོ། །འདི་ཆ་མཐུན་པ་ས་བདུན་པ་མན་ཆད་དུ་ཉམས་སུ་ལེན་པ་ཡང་ཡོད་མོད་ཀྱི། རྗེས་ཐོབ་ཀྱི་གནས་སྐབས་སུ་འདི་གསུམ་གྱི་ཉམས་ལེན་རྒྱུན་མ་ཆད་པར་འབྱུང་བ་ནི་ས་བརྒྱད་པ་ནས་འཇོག་གོ ། ཞེས་ཀུན་མཁྱེན་གོ་རམས་པས་སྦས་དོན་ཟབ་མོ་ལས་གསུངས་སོ། ། བྱང་སེམས་རང་ཉིད་གང་དུ་སངས་རྒྱས་པའི་སངས་རྒྱས་དེའི་རང་སྣང་ལ་ཞིང་དེ་དག་པ་འབའ་ཞིག་ཏུ་སྣང་བ་ལ་འཆད་པ་ཡིན་ལ། དེའི་གོ་དོན་ཡང་བྱང་སེམས་དེས་ཞིང་དག་པའི་སྦྱོར་བ་བསྒོམ་པའི་ནུས་པ་མཐར་ཐུག་པའོ། །
Domain	ཆོས་ལུགས།