61232

ཟ་བའི་ཉེས་བྱས་ཀྱི་སྡེ་ཚན་ (1)

Part of speech	མིང་ཚིག
Definition	མདོ། འདུལ་བ། ཟས་བླངས་ནས་ཟ་བའི་ཚེ་ལེགས་པར་ཟས་བཟའ་བར་བྱའོ། །ཁམ་ཧ་ཅང་ཆེ་བ་མ་ཡིན་པ་དང་། ཧ་ཅང་ཆུང་བ་མ་ཡིན་པ་དང་། ཁམ་རན་པ་དང་། ཁམ་མ་བཟས་པར་ཁ་མི་གདངས་པ་དང་། ཁ་ཁམ་གྱིས་བཀང་སྟེ་མི་སྨྲ་བའི་ཚུལ་དུ་བཟའ་བར་བྱའོ། །གཞན་ཡང་ཙུག་ཙུག་མི་བྱའོ། །ཅག་ཅག་མི་བྱའོ། །ཧུ་ཧུ་མི་བྱའོ། །ཕུ་ཕུ་མི་བྱའོ། །ལྕེ་ཕྱུང་སྟེ་ཟས་མི་ཟའོ། །གཞན་ཡང་འབྲུ་རེ་རེ་ནས་བླངས་ཏེ་མི་ཟའོ། །ཟས་ལ་འཕྱས་མི་གདགས་སོ། །མཁུར་བ་མི་སྤོའོ། །རྐན་མི་ཏོག་གོ ། ཁམ་འཕྲོར་མི་གཅད་དོ། །གཞན་ཡང་ལག་པ་མི་ལྡག་གོ ། ལྷུང་བཟེད་སོགས་མཛུབ་མོ་དང་ལྕེས་མི་བྱོག་གོ ། ཟས་ཀྱིས་སྦགས་པའི་ལག་པ་མི་སྤྲུག་གོ ། ལྷུང་བཟེད་མི་སྐྱོམ་མོ། །ཟས་ལ་མཆོད་རྟེན་འདྲ་བར་བྱས་ཏེ་མི་གཞོམ་མོ། །ཞེས་ཀུན་མཁྱེན་གོ་རམས་པའི་འདུལ་བའི་སྤྱི་དོན་ལས་སོ། ། ཟས་ལ་ལེགས་པར་བྱ་བ་དྲུག ། ཙུག་ཙུག་ལ་སོགས་རྣམ་པ་ལྔ། །འབྲུ་ནས་ཐ་དད་བྱེད་པ་ལྔ། །ལག་པ་ལྡག་ལ་སོགས་པ་ལྔ། །ཞེས་གསུངས་པ་ལྟར་ཉེར་གཅིག་ཡོད་པ་ལས། དང་པོ་དྲུག་ནི། འདུལ་བ་དང་མཐུན་པར་ཟས་ཟ་བར་བསླབ་པ། ཁམ་ཧ་ཅང་ཆུང་བ་མ་ཡིན་པ། ཧ་ཅང་ཆེ་བ་མ་ཡིན་པ། ཁམ་རན་པ། ཁའི་སྒོར་ཟས་མ་འོང་པར་ཁ་མི་གདེང། ཁ་ཁམ་གྱིས་བསྐངས་ཏེ་གཏམ་མི་སྨྲའོ། །གཉིས་པ་ལྔ་ནི། ཟས་ཟ་བའི་ཚེ་ཁའི་རྣམ་པ་སྒྱུར་བའི་སྒྲ་ཙུག་ཙུག་མི་བྱ། ཅག་ཅག་མི་བྱ། ཧུ་ཧུ་མི་བྱ། ཕུ་ཕུ་མི་བྱ། ལྕེ་ཕྱི་རོལ་ཏུ་ཕྱུང་སྟེ་ཟས་མི་ཟའོ། །གསུམ་པ་ལྔ་ནི། སྲོག་ཆགས་ཡོད་མེད་བརྟག་པའི་ཕྱིར་མ་ཡིན་པར་འབྲས་ཆན་ལ་སོགས་པའི་འབྲུ་རེ་རེ་ནས་ཐ་དད་དུ་མི་ཟ། སྦྱིན་བདག་གི་ཟས་ལ་འཕྱ་སྨོད་མི་བྱ། ཁུར་བ་མི་སྤོ། ཁམ་འཕྲོར་སོས་བཅད་ཅིང་མི་ཟའོ། །བཞི་པ་ལྔ་ནི། ལག་པ་ལ་ཟས་ཆགས་པ་མི་ལྡག ལྷུང་བཟེད་དང་ཕོར་པ་སོགས་ཀྱི་སྣོད་ལ་ཟས་ཆགས་པ་ལྕེ་དང་སོར་མོས་མི་ཡོག ལག་པ་ལ་ཟས་ཆགས་པ་མི་དཀྲུག། ཟས་དང་བཅས་པའི་ལྷུང་བཟེད་མི་སྐྱོམས། ཟས་ལ་མཆོད་རྟེན་གྱི་དབྱིབས་འདྲ་བར་བྱས་ནས་གཞོམ་ཞིང་མི་ཟའོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།

{{#arraymap:ཟ་བའི་ཉེས་བྱས་ཀྱི་སྡེ་ཚན་

|; |@@@ | | }}