61326

ཟག་བཅས་ཀྱི་ལས་ཀྱི་འབྲས་བུའི་གྲངས་ (1)

Part of speech	མིང་ཚིག
Definition	མདོ། མངོན་པ། ལས་གང་ཞིག་འབྲས་བུ་ལྔ་ལས་འབྲས་བུ་དུ་ཞིག་གི་འབྲས་བུ་དང་བཅས་པ་ཡིན་ཞེ་ན། ཟག་བཅས་རང་གི་ས་པའི་ལས་ཀྱིས་རང་གི་ས་པའི་ཆོས་བསྐྱེད་ན་བྲལ་འབྲས་སས་མ་བསྡུས་པས་དེ་ལས་གཞན་པའི་འབྲས་བུ་བཞི་ཡིན་ནོ། །རང་ས་ཟག་མེད་ཡིན་ན་རྣམ་སྨིན་དང་བྲལ་འབྲས་ལས་གཞན་གསུམ་མོ། །གཞན་གྱི་ས་པའི་ལས་ཀྱིས་གཞན་གྱི་ས་པའི་ཆོས་བསྐྱེད་ན་འབྲས་བུ་གསུམ་བྱེད་པ་ནི་ས་དགུའི་ལམ་ནི་ཕན་ཚུན་དུ་ཞེས་འབྱུང་བས་ཟག་མེད་ས་གཞན་ལ་རྟེན་པས་རྒྱུ་མཐུན་གྱི་འབྲས་བུའང་བྱེད་པའི་ཕྱིར་དང་། བདག་འབྲས་དང་སྐྱེས་བུ་བྱེད་འབྲས་ཀྱང་བྱེད་པའི་ཕྱིར་དང་། རྣམ་སྨིན་དང་བྲལ་འབྲས་ནི་མི་སྲིད་པའི་ཕྱིར་རོ། །གཉིས་བྱེད་པ་ནི་ཟག་པ་དང་བཅས་པ་སྟེ། དེ་ལ་སྐྱེས་བུ་བྱེད་པ་དང་བདག་འབྲས་ཡོད་ཀྱི་རྣམ་སྨིན་དང་རྒྱུ་མཐུན་དང་བྲལ་འབྲས་རྣམས་མི་སྲིད་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།