61365

ཟག་མེད་བསམ་གཏན་དང་པོའི་མཇུག་ཏུ་སྐྱེ་བའི་སྙོམས་འཇུག་དྲུག་ (1)

Part of speech	མིང་ཚིག
Definition	མདོ། མངོན་པ། ཟག་མེད་ཀྱི་བསམ་གཏན་དང་པོའི་འཇུག་ཐོགས་སུ་དྲུག་སྐྱེ་སྟེ། རྒྱུན་གྱི་ཚེ་རང་གི་ས་པའི་ཟག་མེད་དང་། སྙོམས་མཇུག་ལས་ལངས་པའི་རང་གི་ས་པའི་དག་པ་པ་དང་། ཟག་བཅས་དང་སྤེལ་ནས་ལུགས་བཞིན་སྙོམས་པར་འཇུག་པའི་ཚེ་བསམ་གཏན་གཉིས་པའི་དག་པ་པ་དང་། ཟག་བཅས་དང་མ་སྤེལ་བར་ལུགས་བཞིན་སྙོམས་པར་འཇུག་པ་དང་ཐོད་རྒལ་གྱི་སྦྱོར་བའི་ཚེ་མ་སྤེལ་བར་ལུགས་དང་མཐུན་པར་སྙོམས་པར་འཇུག་པ་ན་བསམ་གཏན་གཉིས་པའི་ཟག་མེད་དང་། སྤེལ་ནས་རིས་མི་མཐུན་པ་གསུམ་པར་འགྲོ་བའི་ཚེ་ཐོད་རྒལ་དངོས་བསམ་གཏན་གསུམ་པའི་དག་པ་པ་དང་། མ་སྤེལ་བར་གསུམ་པར་འགྲོ་བ་ན་ཉེ་བའི་སྦྱོར་བ་གསུམ་པའི་ཟག་མེད་སྐྱེ་བའི་ཕྱིར་རོ། །གོང་འོག་གི་བཞི་པ་ཕན་ཆད་ནི་སྐྱེ་བ་མི་སྲིད་དེ། ཤིན་ཏུ་རིང་བའི་ཕྱིར་དང་། འདོད་པ་ན་ཟག་མེད་མི་སྲིད་པའི་ཕྱིར་དང་། འདོད་པའི་དགེ་བ་ཙམ་སྐྱེ་ཡང་སྙོམས་འཇུག་མ་ཡིན་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།