61883

ཟུང་འབྲེལ་དང་ཟུང་འཇུག་གི་དོན་ (1)

Part of speech	མིང་ཚིག
Definition	མདོ། དབུ་མ། ཟུང་དུ་འབྲེལ་བ་ཞེས་བྱ་བའི་དོན་ནི། ལྟ་སྤྱོད་ཀྱི་བློ་གཉིས་ཤེས་རྒྱུད་གཅིག་ལ་གཅིག་ཆར་དུ་འཇུག་པ་ལ་བྱ་བ་ཡིན་གྱི། དེ་གཉིས་གཞི་མཐུན་སྲིད་པར་སྟོན་པ་ནི་མ་ཡིན་ཏེ། གཅིག་ནི་རྣམ་ཤེས་ཀྱི་ཆོས་ཡིན་ལ། གཅིག་ཤོས་ནི་ཡེ་ཤེས་ཀྱི་ཆོས་ཡིན་པས་གཞི་མཐུན་པར་འགལ་བའི་ཕྱིར། ཟུང་འཇུག་གི་དོན་ནི་གཉིས་སུ་མེད་པ་སྟེ། དཔེར་ན་སྣང་སྟོང་ཟུང་འཇུག་ཏུ་འཇོག་པའི་ཚེ་ན། བུམ་སོགས་སུ་སྣང་བ་ནི་གཟུང་འཛིན་གཉིས་སྣང་ཅན་གྱི་ཤེས་པའི་ཆོས་ཡིན་ལ། སྟོང་པ་ནི་གཉིས་མེད་ཀྱི་ཡེ་ཤེས་ཀྱི་ཆོས་ཡིན་པས་ཡེ་ཤེས་ཁོ་ནར་རོ་གཅིག་དགོས་པ་བཞིན་ནོ་ཞེས་པཎ་ཆེན་ཤཱཀྱ་མཆོག་གིས་སྟོང་ཉིད་བདུད་རྩི་ལམ་པོ་ཆེ་ལས་གསུངས་སོ། །
Domain	ཆོས་ལུགས།