62311

ཟླ་མགོ་འཛིན་པ་ (1)

Part of speech	མིང་ཚིག
Definition	མདོ། མངོན་པ། དུས་ཚིགས་བཞིར་བྱས་པ་ལ་ཡར་ངོའི་ཚེས་གཅིག་ནས་འཛིན་པ་ནི། མདོ་རྩར། དབྱར་སྔ་མའི་ཁས་ལེན་དབྱར་ཟླ་འབྲིང་པོའི་ཚེས་བཅུ་དྲུག་ལ་བྱེད་པ་དང་། དེའི་དགག་དབྱེ་སྟོན་ཟླ་འབྲིང་པོའི་ཉ་ལ་བྱེད་པར་གསུངས་ཤིང་། རྒྱ་ཆེར་འགྲེལ་ལས་སྟོན་དཔྱིད་གཉིས་འབྲིང་མི་ཐུབ། དབྱར་དགུན་གཉིས་ར་བ་དང་། ཐ་ཆུང་མི་ཐུབ་པར་གསུངས་པ་རྣམས་སྟེ། མར་ངོའི་ཚེས་གཅིག་ལ་བཅུ་དྲུག་ཞེས་པའི་ཐ་སྙད་ཉིད་ཀྱིས་ཡར་ངོའི་སྔོན་འགྲོ་ཡིན་པར་གྲུབ་པའི་ཕྱིར་དང་། སྟོན་དཔྱིད་གཉིས་འབྲིང་མི་ཐུབ་པར་གསུངས་པ་འདིའང་ཡར་ངོའི་སྔོན་འགྲོ་མ་ཡིན་ན་གསོ་སྦྱོང་བཅུ་བཞི་པ་གང་ལ་འབྱུང་བའི་ཉ་སྐར་དང་མི་འགྲིགས་པའི་ཕྱིར་ཏེ་འོག་ཏུ་འཆད་དོ། །
Domain	ཆོས་ལུགས།

{{#arraymap:ཟླ་མགོ་འཛིན་པ་

|; |@@@ | | }}

ཟླ་མགོ་འཛིན་པ་ (2)

Part of speech

མིང་ཚིག

Definition

མར་ངོའི་ཚེས་གཅིག་ནས་འཛིན་པ་ནི་དགེ་སློང་གི་ལོ་དྲི་བར། གསོ་སྦྱོང་དུ་ཡོད། ཉི་ཤུ་རྩ་བཞི་སྟེ། དགུན་ཟླ་འབྲིང་པོ་དང་། དབྱར་ཟླ་ར་བ་དང་། ཐ་ཆུང་དང་། དབྱར་ཟླ་འབྲིང་པོ་དང་། སྟོན་ཟླ་ར་བ་དང་། ཐ་ཆུང་རྣམས་ཀྱི་མར་ངོའི་གསོ་སྦྱོང་ནི་བཅུ་བཞི་པའོ། །ལྷག་མ་རྣམས་ནི་བཅོ་ལྔ་པའོ་ཞེས་གསུངས་པ་འདི་ར་བ་ཐ་ཆུང་གི་མགོ་མར་ངོའི་ཚེས་གཅིག་ནས་བཟུང་བའི་དབང་དུ་བྱས་པ་ཡིན་པའི་ཕྱིར་ཏེ། གཞན་དུ་ན་སྔར་གྱི་རྒྱ་ཆེར་འགྲེལ་གྱི་ལུང་དང་འགལ་བས་གང་རུང་གཅིག་འདོར་དགོས་པར་ཐལ་བའི་ཕྱིར་དང་། སྨིན་དྲུག་ཅན་ལ་གསོ་སྦྱོང་བཅུ་བཞི་པ་འབྱུང་བར་གསུངས་པ་དང་། འདིར་སྟོན་ཟླ་ཐ་ཆུང་ལ་གསོ་སྦྱོང་བཅུ་བཞི་པར་གསུངས་པ་གཉིས་དོན་གཅིག་ཏུ་བྱས་པའི་ཕྱིར་ན་མར་ངོ་སྔོན་དུ་འགྲོ་བ་ལས་འོས་མེད་པའི་ཕྱིར་རོ། །དེའི་དང་པོ་ལ་རིལ་ཚེས་དང་། ཕྱི་མ་ལ་ཕྱེད་ཚེས་ཞེས་པར་གྲགས་སོ། །གཞན་དུས་ཚིགས་ཀྱི་རྣམ་གཞག་གསུམ་པོ་དང་། ཉ་སྐར་གྱི་མིང་ནས་སྨོས་པའི་ཟླ་བ་ཐམས་ཅད་ལ་མར་ངོ་སྔོན་འགྲོ་འབའ་ཞིག་གསུངས་ཀྱི་ཡར་ངོ་སྔོན་འགྲོ་གསུངས་པ་མ་ཡིན་ནོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། །

{{#arraymap:ཟླ་མགོ་འཛིན་པ་

|; |@@@ | | }}