62934

འཁྱོག་པོ་རི་ཁྲོད་ (1)

Part of speech

མིང་ཚིག

Definition

དུང་དང་རྒྱལ་མཚན་ལ་སོགས་པ་བཀྲ་ཤིས་ཀྱི་རྟགས་བརྒྱད་ཚང་བ། རྒྱབ་རི་བདུད་རྩི་ཅན་གྱི་ཤིང་གི་ནགས་ཚལ་གྱིས་ཁེབས་པ། སྐུ་གསུང་ཐུགས་རྣམ་པར་དག་པའི་རི་བོ་རྩེ་མོ་གསུམ་པ་རིགས་གསུམ་མགོན་པོའི་ཚུལ་དུ་བཞུགས་ཤིང༌། གཡོན་གྱི་ཕྱོགས་ན་བྲག་རྒྱལ་པོ་ཆེན་པོ་སྡེ་བཞི་ཆོས་ཉན་པའི་རྣམ་པ་ཅན་དང༌། མཁའ་འགྲོ་གསང་བའི་བྲག་ཕུག་པདྨ་རཱ་ག་ལ་སོགས་པ་སྒྲུབ་གནས་དགེ་མཚན་ཅན་དུ་མའི་དབུས་ན། བྲག་རི་རྡོ་རྗེ་རྩེ་ལྔ་པ་ལྟ་བུའི་སྟེང་དུ། རིགས་ལྡན་སྤྲུལ་པའི་སྐུ་ཀུན་སྤངས་ཀུན་ཏུ་བཟང་པོས་སྒྲུབ་གནས་ཆེན་པོ་མཛད། བྱང་སེམས་ཆེན་པོ་དང་མཁས་བཙུན་ཆེན་པོས་ཀྱང་རིམ་ཅན་དུ་བཞུགས། ཆོས་རྗེ་ཀུན་མཁྱེན་ཆེན་པོས་ཀྱང་ལོ་ངོ་གཉིས་གསུམ་བཞུགས། སོར་སྡུད་བསམ་གཏན་སྲོག་རྩོལ་གསུམ་མཐར་ཕྱིན་པའི་ཚུལ་སྟོན་ས་ཡང་འདི་ལགས། དེ་རྗེས་དམ་པ་དེ་ཉིད་ཀྱི་ཐུགས་སྲས་བླ་མ་སངས་རྒྱས་བཟང་པོ་མཆོག་མཁའ་སྤྱོད་དུ་གཤེགས་པའི་གནས་འདི་ཡིན་ཅིང༌། དེ་རྗེས་སུ་སྐྱེས་བུ་དམ་པ་བསམ་གྱིས་མི་ཁྱབ་པ་བྱོན་པ་ལགས་སོ། །