63074

འཁྲུལ་ནས་ཡུལ་ལ་འཇུག་པ་ (1)

Part of speech	མིང་ཚིག
Definition	འདིར་ནི་རང་མཚན་གཟུགས་བརྙན་གཉིས། །གཅིག་ཏུ་འཁྲུལ་དུ་གཞུག་པའི་ཕྱིར། །རྒན་པོ་རྣམས་ཀྱིས་བརྡ་ཆད་བྱེད། །འཁྲུལ་ནས་དོན་ལ་འཇུག་པར་འགྱུར། །སྒྱུ་མ་མཁན་པོ་དག་འཇིག་རྟེན་དོན་ལ་གཞུག་པའི་ཕྱིར་སྔགས་ཀྱིས་འཁྲུལ་དུ་འཇུག་པ་ལྟར། དོན་སྤྱི་དང་དོན་རང་མཚན་གཉིས་གཅིག་ཏུ་བསྲེས་ནས་བརྡ་ཆད་ཀྱི་སྔགས་ཀྱིས་འཁྲུལ་དུ་འཇུག་ལ། དེ་ལྟར་འཁྲུལ་པའི་སྟོབས་ཀྱིས་དོན་རང་མཚན་ཉིད་བླང་དོར་ལ་འཇུག་པ་ནི་ཚུར་རོལ་མཐོང་བ་རྣམས་ཀྱི་རྣམ་པར་ཐར་པ་ཡིན་ནོ། །སྒྲ་ཡི་དངོས་ཀྱི་བརྗོད་བྱ་མེད། །ཞེན་པའི་བརྗོད་བྱ་རང་མཚན་ཡིན། །འབྲེལ་བ་འཁྲུལ་པས་བྱས་ན་ཡང་། །འཇུག་པའི་སྐྱེས་བུ་བསླུ་བ་མེད། །ཅེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། །
Domain	ཚད་མ།