6367

གཉན་དར་མ་གྲགས་པ་ (1)

Part of speech

མིང་ཚིག

Definition

དུས་རབས་བཅུ་གཅིག་པའི་དུས་སྟོད་དུ་འཁྲུངས། མདོ་སྔགས་རིག་གནས་དང་བཅས་པ་སྦྱངས། རབ་བྱུང་དང་པོའི་མེ་འབྲུག་ཕྱི་ལོ ༡༠༧༦ ལོར་ཁ་ཆེ་དང་། བལ་ཡུལ་བརྒྱུད་རྒྱ་གར་དུ་ཕེབས། པཎྜི་ཏ་མ་ཏི་སོགས་ལོ་བཅུ་གཉིས་ཀྱི་རིང་བསྟེན། མདོ་སྔགས་གཉིས་ཀར་ཕུལ་དུ་བྱུང་བའི་སློབ་གཉེར་མཛད། ལེགས་སྦྱར་གྱི་སྐད་ལ་བྱང་ཆུབ་པའི་གྲགས་ཅན་གྱི་ལོ་ཙཱ་བ་ཞིག་ཡིན། བསྒྱུར་རྩོམ་ནི་བཀའ་འགྱུར་ལས་དཔལ་དུས་ཀྱི་འཁོར་ལོའི་རྒྱུད་ཕྱི་མ་རྒྱུད་ཀྱི་སྙིང་པོ་དང་། བསྟན་འགྱུར་ལས་དཔལ་མགོན་པོ་ནག་པོའི་སྒྲུབ་ཐབས་ཀྱི་རིམ་པ། དཔལ་གསང་བ་འདུས་པའི་རྒྱན་ལས་ལེའུ་བཅོ་བརྒྱད་པའི་རྣམ་པར་བཤད་པ། དེ་ཁོ་ན་ཉིད་བཅུ་པ། འཕགས་པ་གཤིན་རྗེ་ཚེ་བདག་ནག་པོའི་སྒྲུབ་ཐབས། དཔལ་གཤིན་རྗེ་ཚེ་བདག་ནག་པོའི་དཀྱིལ་འཁོར་གྱི་ཆོ་ག ཛམྦྷ་ལའི་སྒྲུབ་ཐབས། མཎྜལ་གྱི་ཆོ་ག སྟོང་ཉིད་བདུན་ཅུ་བའི་འགྲེལ་བ། བྱང་ཆུབ་སེམས་དཔའི་སྡོམ་པའི་ཆོ་ག དགེ་བསྙེན་གྱི་སྡོམ་པ་བརྒྱད་པ། དགེ་བསྙེན་གྱི་སྡོམ་པ་བརྒྱད་པའི་བཤད་པ། མི་འཁྲུགས་པའི་སྒྲུབ་ཐབས་སློབ་དཔོན་དཔའ་བོ་རྡོ་རྗེས་མཛད་པ། མི་འཁྲུགས་པའི་སྒྲུབ་ཐབས་སློབ་དཔོན་ཛེ་ཏཱ་རིས་མཛད་པ་བཅས་བཞུགས།